Toshkentda ilk bor Technovation xalqaro konferensiyasi o‘tkazildi
30 sentyabr kuni Toshkentdagi JW Marriott Hotel’da Philip Morris International (PMI) kompaniyasi tashkil etgan Technovation
Toshkentda Technovation xalqaro konferensiyasi ilk bor tashkil etildi
30 sentyabr kuni Toshkentdagi JW Marriott Hotel’da Philip Morris International (PMI) kompaniyasi tashabbusi bilan Technovation xalqaro konferensiyasi bo‘lib o‘tdi. Tadbirda O‘zbekiston davlat idoralari vakillari, Rossiya, Tojikiston va Qozog‘istondan kelgan shifokorlar hamda olimlar, shuningdek yirik kompaniyalar rahbarlari qatnashdi.
Technovation avvalroq Ostona, Abu-Dabi, Keyptaun, Rabot va Vashingtonda ham o‘tkazilgan. Tashkilotchilar uni ilmiy va texnologik innovatsiyalar, yangi mahsulot kategoriyalarini tartibga solish hamda iste’molchilar huquqlarini himoya qilish masalalari muhokama qilinadigan xalqaro platforma sifatida taqdim etdi.
Konferensiyani PMI’ning Janubiy Osiyo, Hind-Xitoy va MDH mintaqalari bo‘yicha prezidenti Marko Mariotti ochib berdi. Tadbirda O‘zbekiston Prezidentining Jahon savdo tashkilotidagi vakili Azizbek O‘runov hamda Investitsiyalar, sanoat va savdo vaziri o‘rinbosari Akrom Aliyev ham nutq so‘zladi.
Birinchi sessiya «Innovatsion transformatsiyaga investitsiyalar» deb nomlandi. Unda Yashil Energy bosh direktori Nodirjon Nasretdinov, Coca-Cola O‘zbekiston bosh direktori Kazumasa Mukay va PMI’ning Qozog‘iston hamda Markaziy Osiyo bo‘yicha boshqaruvchi direktori Omar Abdellatif ishtirok etdi. Munozarani Alfiya Musina olib bordi.
Shundan so‘ng o‘tgan «Tartibga solish laboratoriyasi»da qatnashchilar Kahoot viktorinasi orqali o‘zgarishlar davrida qo‘llaniladigan xalqaro tartibga solish amaliyotlari bilan tanishdi.
Tushlikdan oldin PMI ilmiy hamkorlik bo‘yicha katta direktori doktor Tomoko Iida kompaniyaning innovatsion ilmiy yo‘nalishi haqida ma’ruza qildi.
Ikkinchi sessiya «Technovation’lar sog‘liqqa zararni kamaytira oladimi?» mavzusiga bag‘ishlandi. Unda O‘zbekistondan tibbiyot fanlari doktori Javohir Xalmuhamedov, Rossiyadan ambulatoriya yordami bo‘yicha bosh shifokor o‘rinbosari Boris Kasparov, Tojikistondan onkolog, professor Saida Umarzoda va Qozog‘istondan xirurg-stomatolog Meyram Raganin so‘zga chiqdi.
Yakuniy sessiya «Transformatsiya jarayonida iste’molchilar huquqlarini himoya qilish» mavzusida bo‘lib o‘tdi. Unda O‘zbekiston davlat idoralari va tashkilotlari vakillari fikr bildirdi. Ular qatorida Qozog‘iston Milliy iste’molchilar ligasi rahbari Svetlana Romanovskaya ham qatnashdi. Muhokama yangi mahsulot kategoriyalari paydo bo‘layotgan sharoitda tartibga solish, iste’molchilarni xabardor qilish va ularning manfaatlarini himoya qilish masalalariga qaratildi.
Konferensiya yakunida Marko Mariotti yakuniy so‘z bilan chiqdi.