Toshkentda BYD Han metall ustunga borib urildi
Toshkentning Yashnobod tumanida BYD Han avtomobili haydovchisi boshqaruvni yo‘qotib, yo‘l o‘rtasidagi metall ustunga borib urildi. Hodisa yuzasidan YHXB mas’ul xodimlari surishtiruv olib bormoqda.
Toshkentda BYD Han avtomobili metall ustunga borib urildi
Joriy yilning 19-avgust kuni soat taxminan 16:30 da Toshkent shahrining Yashnobod tumanida yo‘l-transport hodisasi yuz berdi. Bu haqda Toshkent shahar IIBB YHXB axborot xizmati ma’lum qildi.
Xabarga ko‘ra, 2003-yilda tug‘ilgan haydovchi S.Azimov ko‘chasi bo‘ylab Maxtumquli ko‘chasidan Istiqlol ko‘chasi yo‘nalishida BYD Han rusumli avtomobilni boshqarayotgan vaqtda rul boshqaruvini yo‘qotgan. Natijada avtomobil yo‘lning o‘rtasida joylashgan metall ustunga borib urilgan.
Rasmiy xabarda ushbu hodisa oqibatida jabrlanganlar borligi yoki yo‘qligi haqida hech qanday ma’lumot berilmagan.
Hozirda Toshkent shahar IIBB YHXBning mas’ul xodimlari tomonidan mazkur holat yuzasidan surishtiruv ishlari olib borilmoqda.
YHXB barcha haydovchilarni yo‘l harakati qoidalariga qat’iy rioya qilishga chaqirdi.