Toshkentda beshta avtobus yo‘nalishi harakati vaqtincha o‘zgartirildi
Avtobuslar yo‘nalishi Shahrisabz va Istiqbol ko‘chalari kesishmasida avtobuslar uchun maxsus yo‘lak (BRT) qurilishi sababli vaqtincha
Toshkentda beshta avtobus yo‘nalishi harakati vaqtincha o‘zgartirildi
Toshkent shahridagi Shahrisabz va Istiqbol ko‘chalari kesishmasida avtobuslar uchun maxsus yo‘lak (BRT) qurilishi sababli beshta avtobus yo‘nalishining harakati vaqtincha o‘zgartirildi. Bu haqda Toshkent shahar transport va yo‘l-transport infratuzilmasini rivojlantirish bosh boshqarmasi xabar berdi.
Ma’lum qilinishicha, Shahrisabz va Istiqbol ko‘chalari kesishmasida chapga burilish harakati vaqtincha cheklandi. Shu sababli shahar markazidan harakatlanadigan 2, 26, 37, 68 va 93-sonli avtobuslar bir tomonlama tartibda Shahrisabz, Maxtumquli va S. Azimov ko‘chalari orqali yo‘naltirilmoqda.
Qayd etilishicha, hududda transport oqimi ortishi va tirbandliklar yuzaga kelishi mumkin. Shu sababli avtobuslarning qatnov oralig‘i uzayishi, shuningdek, yo‘nalishlar harakatiga qo‘shimcha o‘zgartirishlar kiritilishi ehtimoli bor.
Yo‘lovchilardan safarlarini oldindan rejalashtirish so‘raldi.