Toshkent va Xitoy kompaniyalari investitsion loyihalarni muhokama qildi
Toshkent shahar hokimiyatida Guandun va Shenchjen delegatsiyasi bilan uchrashuv boʻlib oʻtdi. Tomonlar turizm, HoReCa va sanoat sohalaridagi loyihalarni muhokama qilishdi.
Toshkent va Xitoy kompaniyalari investitsiya loyihalarini muhokama qildi
Toshkent shahar hokimligida Xitoyning Guandun provintsiyasi va Shenchjen shahri ishbilarmon doiralari vakillari bilan savdo-iqtisodiy va investitsiyaviy hamkorlikni kengaytirish istiqbollari boʻyicha muzokaralar boʻlib oʻtdi.
Uchrashuvda Chju Tun boshchiligidagi delegatsiya ishtirok etdi. Poytaxt tomonidan Toshkent shahar hokimining Xitoy bilan hamkorlik masalalari boʻyicha maslahatchisi Eldor Xolmatov, shuningdek, shahar turizm, investitsiyalar, sanoat va savdo boshqarmalari xodimlari qatnashdi.
Muhokamalarning asosiy mavzularidan biri turistik infratuzilma va mehmonxona hamda restoran biznesini birlashtiruvchi HoReCa sektorini rivojlantirish boʻldi.
Xususan, tomonlar mehmonxona va restoranlar uchun professional oshxonalarni loyihalash, uglerod chiqindilari past va chiqindisiz texnologiyalarga ega zamonaviy uskunalarni joriy etish imkoniyatlarini koʻrib chiqdilar.
Bundan tashqari, sanoat muzlatgich qurilmalari va non yopish tarmoqlarini qoʻllash, shuningdek, intellektual sanoat parklarini tashkil etishda tajriba almashish masalalari muhokama qilindi.
Uchrashuv yakunlari boʻyicha tomonlar Toshkent hamda Guandun va Shenchjenning yetakchi ishlab chiqaruvchilari oʻrtasidagi ishbilarmonlik aloqalarini mustahkamlash, qoʻshma investitsiya loyihalarini amalga oshirish va oʻzaro manfaatli tashabbuslarni qoʻllab-quvvatlashga tayyor ekanliklarini bildirdilar.