Toshkent JARni Qoʻshilmaslik harakati tadbirlarida ishtirok etishga taklif qildi
Toshkent JARni Qoʻshilmaslik harakati tadbirlarida ishtirok etishga taklif qildi
Oʻzbekiston tashqi ishlar vaziri Baxtiyor Saidov Janubiy Afrika Respublikasi xalqaro aloqalar va hamkorlik vaziri Ronald Ozzi Lamola bilan telefon orqali muloqot qildi.
Suhbat chogʻida tomonlar siyosiy muloqotni faollashtirish, savdo-investitsiyaviy aloqalarni kengaytirish va qoʻshma loyihalarni ilgari surish boʻyicha aniq qadamlarni muhokama qildilar. Oʻzbekiston tashqi siyosat mahkamasi rahbari ikki mamlakat oʻrtasidagi munosabatlarda ijobiy dinamikani qayd etdi va JARni respublikaning Afrika qitʼasidagi muhim hamkorlaridan biri deb atadi.
Diplomatlar Qoʻshilmaslik harakati doirasidagi hamkorlikka alohida eʼtibor qaratdilar. Oʻzbekiston tomoni 2027–2030 yillarda Oʻzbekistonning ushbu tashkilotga raisligi davrida boʻlib oʻtadigan tadbirlarda JARning faol ishtirok etishidan manfaatdorlik bildirdi.
Shuningdek, Savdo-iqtisodiy hamkorlik boʻyicha Hukumatlararo komissiyani ishga tushirish va ikki tomonlama shartnomaviy-huquqiy bazani takomillashtirish masalalari koʻrib chiqildi. Mahkama rahbarlari yaqin vaqt ichida shaxsiy uchrashuv oʻtkazishga kelishib oldilar.