Tinç okeanida qayiqda bedarak yöqolgan 5 kişi uç oydan söng topildi
Bedarak yöqolgan deb hisoblangan, içida mikroneziyaliklar bölgan qayiq jönab ketgan joyidan 5,5 ming kilometr uzoqlikda, Kiribati qirğoqlari yaqinidan topildi.
Tinch okeanida qayiqda bedarak yo‘qolgan 5 kishi uch oydan so‘ng topildi
Besh kishi ochiq okeanda deyarli uch oy suzib yurganidan so‘ng tirik holda topildi.
Iyul oyi oxirida 9 kishi qayiqda Mikroneziyadagi Murilo orolidan qo‘shni Ruo oroliga yo‘l olgan edi. Yo‘l taxminan bir soat vaqt olishi kerak edi, ammo qayiq bo‘ronga duch kelib, ochiq dengizga oqib ketgan. Qidiruv ishlari bir necha hafta — 9-avgustgacha davom etdi, biroq natija bermadi.
1-noyabr kuni qayiqni Kiribati tarkibiga kiruvchi Fanning oroli aholisi payqab qoldi. Oqim uni bu vaqt ichida taxminan 5,5 ming kilometr uzoqlikka olib ketgan. Qutqarilganlarga (ular orasida ikki nafar bola ham bor) mahalliy cherkov pastori boshpana berdi, shundan so‘ng ularga tibbiy yordam ko‘rsatildi. Kiribatilik deputat ularni davolash uchun imkon qadar tezroq eng yaqin yirik aholi maskani — Kiritimatiga olib o‘tishni tavsiya qildi.
Qolgan to‘rt yo‘lovchining taqdiri hozircha noma’lum. Mikroneziyalik siyosatchi Aleksandr Narrun qutqaruv ishlarida qatnashgan barchaga minnatdorlik bildirdi va bedarak yo‘qolganlar haqida duo qilishda davom etishayotganini ma’lum qildi. Shuningdek, u Mikroneziya prezidentidan omon qolganlarni vataniga qaytarish bo‘yicha Kiribati hukumati bilan muzokaralarni boshlashni so‘radi.
Qutqarilganlar shuncha vaqt qanday jon saqlab qolishganini hozircha gapirib bermadi va shaxsiy hayotini hurmat qilishni so‘radi.