Test: “Mahallada duv-duv gap”, “Ajoyib xayolparast” kabi o‘zbek filmlarini yaxshi bilasizmi?
“Maftuningman”, “O‘tkan kunlar” va “Ulug‘bek yulduzi” singari kinolarda suratga tushgan Maryam Yoqubova tavalludiga 19-oktabrda 117 yil to‘ldi. Sana munosabati bilan Gazeta “O‘zbekiston xalq artisti'ning filmografiyasi asosida test tayyorladi.
Test: “Mahallada duv-duv gap”, “Ajoyib xayolparast” kabi o‘zbek filmlarini yaxshi bilasizmi?
Maryam Yoqubova 1909-yil 19-oktabrda Buxoroda dunyoga kelgan. 1928-yilda Moskvadagi kino maktabini tamomlagan aktrisa 1929−1932-yillarda Hamza teatri qoshidagi ishchi-sayyor teatrida faoliyat yuritgan. Bundan tashqari, u Muqimiy nomidagi davlat akademik musiqali teatri hamda Hamza teatrida ham ishlagan. “Boy ila xizmatchi”, “Gamlet” va “Revizor” kabi spektakllarda yodda qoladigan obrazlarni yaratgan.
1928-yili “Muzli uy"da suratga tushgan Maryam Yoqubova, ayniqsa, 1950−1960-yillarda kinoda faol bo‘lgan. Shu davrda uning ishtirokida “Boy ila xizmatchi”, “Shohi so‘zana”, “Opa-singil Rahmonovalar”, “Maftuningman”, “Mahallada duv-duv gap”, “Maysaraning ishi” va “Ulug‘bek yulduzi"dan tashqari “Oq royal”, “O‘tkan kunlar” hamda “Vatan o‘g‘lonlari” ham ekranlarga chiqqan.
1970−1980-yillarda esa u “Ajoyib xayolparast”, “Olovli yo‘llar”, “Ali bobo va qirq qaroqchi sarguzashtlari”, “Vodillik kelin” hamda “Olmos kamar"da bir-biridan farq qiluvchi rollarni ijro etgan.
U 1987-yil 2-fevralda vafot etgan.