Test: Erkin A’zamning asarlarini bilasizmi?
“Chapaklar yoki chalpaklar mamlakati”, “Jannat o‘zi qaydadir?” va “Otoyining tug‘ilgan yili” kabi qissalar muallifi Erkin A’zam 10-avgustda 76 yoshni qarshiladi. Sana munosabati bilan Gazeta O‘zbekiston xalq yozuvchisining asarlari asosida test tayyorladi.
Test: Erkin A’zam ijodidan xabardormisiz?
Erkin A’zam 1950-yil 10-avgustda Surxondaryo viloyatining Boysun tumanida dunyoga kelgan. 1967-yilda o‘rta maktabni tugatgach, Toshkent Davlat universiteti (hozirgi Milliy universitet)ning jurnalistika fakultetida tahsil olgan.
U respublika radiosida, "Guliston" va "Yoshlik" jurnallarida, shuningdek, G‘afur G‘ulom nomidagi Adabiyot va San’at nashriyotida faoliyat yuritgan. 1995-yildan "Tafakkur" jurnalining bosh muharriri lavozimida ishlagan adib, 1992−1994-yillarda O‘zbekiston milliy axborot agentligida ham xizmat qilgan, bundan tashqari, O‘zbekiston Oliy Majlisining qonunchilik palatasi deputati bo‘lgan.
1966-yilda viloyat gazetasida "Inson" nomli hikoyasi, 1977-yilda esa "Chiroqlar o‘chmagan kecha" hikoyalar to‘plami nashr etilgan. 1981-yilda "Otoyining tug‘ilgan yili", 1984−1988-yillarda "Olam yam-yashil", "Javob", "Bayramdan boshqa kunlar" kabi asarlari kitobxonlarga taqdim qilingan. 1998-yilda "O‘zbekistonda xizmat ko‘rsatgan jurnalist" unvoniga sazovor bo‘lgan ijodkor "Kechikayotgan odam", "Ertak bilan xayrlashuv", "Guli-guli" va "Shovqin" kabi kitoblarni ham yozgan.
Erkin A’zam qalamiga mansub "Shajara", "Jannat o‘zi qaydadir?", "Farrosh kampirning tushi" hamda "Xonadon egasi" va "Tanho qayiq yoxud devonaning orzusi" asarlari asosida sahna asarlari yaratilgan. U "Chantrimore", "Piyoda", "Pakana", "Dilxiroj", "Erkak", "Zabarjad" kabi bir qator kinofilmlarning ssenariy muallifi hamdir.
Sana munosabati bilan Gazeta "Fidokorona mehnatlari uchun" ordeni sohibining asarlari asosida test tayyorladi.