Telegram’dagi Wallet oʻz nomini Walt deb oʻzgartirdi — bu 1 milliard foydalanuvchi uchun Telegram’ning Gram Wallet hamyonini toʻldiruvchi «barchasi birda» formatidagi kriptoilovadir
Tashkent Times — bu Oʻzbekistonning barcha soʻnggi yangiliklarini taqdim etuvchi ingliz tilidagi onlayn gazetadir
Telegram’dagi Wallet oʻz nomini Walt deb oʻzgartirdi — bu 1 milliard foydalanuvchi uchun Telegram’ning Gram Wallet hamyonini toʻldiruvchi, barchasi birda formatdagi kripto-ilovadir
Bugun Telegram’dagi Wallet oʻz nomini Walt deb oʻzgartirishini eʼlon qildi. Rebrending mahsulotning oddiy hamyondan toʻlaqonli, barchasi birda formatdagi kripto-platformaga aylanganini aks ettiradi hamda sunʼiy intellektga asoslangan treyding, kripto-kartalar, multi-tarmoqli aktivlar va toʻlovlarni oʻz ichiga olgan yoʻl xaritasining keyingi bosqichidan darak beradi. Bu oʻzgarish Telegram oʻzining shaxsiy Gram hamyonini ishga tushirayotgan vaqtga toʻgʻri keldi, u tez orada barcha Telegram foydalanuvchilari uchun ochiq boʻladi. Ikkala loyihaning ishga tushirilishi Telegram ekotizimi uchun muhim yangi sahifani boshlab beradi va uning moliyaviy qatlamiga ikkita alohida mahsulotni qoʻshadi.
Ikkala mahsulot kriptoni toʻgʻridan-toʻgʻri Telegram ichida qulay qilish umumiy maqsadini ifodalaydi. Ushbu kontseptsiya doirasida Walt, shuningdek, Telegram foydalanuvchilariga oʻz Gram hamyonlarini toʻgʻridan-toʻgʻri Walt orqali toʻldirish imkonini beruvchi infratuzilmani taklif etadi.
Walt Telegram ekotizimidagi keng ommaviy kripto foydalanuvchilari uchun moʻljallangan. Uning funktsiyalari Telegram’ning oʻz imkoniyatlaridan tashqariga chiqadi va tanish boʻlgan xabar almashish interfeysi ichida yanada ilgʻor kripto-vositalardan foydalanish imkoniyatini taqdim etadi.
«Bugun biz brendimizni mahsulot qanday darajaga yetganiga moslashtirmoqdamiz. Biz Toncoin va Bitcoin sotib olish uchun oddiy hamyon sifatida boshlagan edik, ammo oʻtgan toʻrt yil ichida Telegram ichida yuzlab aktivlarni, shu jumladan real dunyo aktivlarini qoʻllab-quvvatlaydigan, Earn va muddatsiz treydingni yoʻlga qoʻygan toʻlaqonli kripto-platformaga aylandik. Va bu faqat boshlanishi: yaqin haftalarda biz Walt keyingi bosqichda qayerga qarab ketayotganini belgilab beruvchi yangilangan mahsulot strategiyasini taqdim etamiz», — dedi The Open Platform (TOP) va Walt asoschisi hamda bosh direktori Andrey Rogozov. «Biz Telegram’ning shaxsiy hamyoni bilan birgalikda ishlashni davom ettiramiz va yanada oldinga borishni istovchi foydalanuvchilarga ilgʻor kripto-vositalardan foydalanish imkonini beramiz. Ikkala mahsulot birgalikda kripto bilan tanishishdan boshlab, ekotizim taklif etadigan kengroq imkoniyatlarni oʻrganishgacha boʻlgan tabiiy yoʻlni yaratadi».
Yoʻl xaritasining birinchi qismlari allaqachon namoyon boʻlmoqda, jumladan, kelajakda sunʼiy intellekt yordamida treyding qilish va kripto-kartalarni bosqichma-bosqich joriy etish rejalashtirilgan. Ushbu mahsulotlar tayyor boʻlishi bilan alohida taqdimotlar orqali ishga tushiriladi.
Telegram’ning moliyaviy ekotizimi rivojlanishda davom etar ekan, Walt’ning vazifasi u bilan birga oʻsadigan platforma boʻlishdan iboratdir.