“Taksi” filmidagi komissar Jiber: Fransuz aktyori Bernar Farsi hozir qayerda? (foto)
“Taksi” filmidagi komissar Jiber: fransuz aktyori Bernar Farsi hozir qayerda? (foto)
“Taksi” filmining eng yodda qoladigan qahramonlaridan biri — komissar Jiber obrazini fransuz aktyori Bernar Farsi gavdalantirgan. Quyida mashhur aktyorning hayoti va ijod yo‘liga nazar tashlaymiz.
Uning oilasi harbiylardan iborat bo‘lib, teatr va kino olamidan yiroq edi. Farsi bolaligidan san’atga qiziqa boshlagan. U musiqa va raqs milliy konservatoriyasida tahsil olishni boshlagan, keyin esa uni tark etgan. Bernar Reymsdagi teatr maktabini tugatib, Parijga yo‘l olgan. Farsi aktyor sifatidagi ilk qadamlarini Monparnas teatrida qo‘ygan. U yerda u ikkinchi darajali rollarni ijro etgan. Shu bilan birga, u kasting va kinosinovlarga qatnashib, filmlarda rol olishga ham urinib ko‘rgan. Ko‘plab kinostudiyalar Farsiga rad javobini bergan. Bunga uning tashqi ko‘rinishi o‘sha davrdagi Fransiya kinematografi talablariga mos kelmagani sabab bo‘lgan. Farsining ijodiy yuksalishi 80-yillarga to‘g‘ri keladi. O‘sha paytda u fransuz rejissyorlari suratga olgan ko‘plab filmlarda rol o‘ynay boshlagan. 1983-yilda Bernarga “Oy aksi” nomli filmda suratga tushish taklif qilingan. Yosh aktyor kartina qahramonlari orasida ko‘zga tashlanmagan bo‘lsa-da, Farsi fransuz kinosining yulduzlari bilan bir maydonda ishlashga muvaffaq bo‘lgan.
2000-yillarda Bernarning filmografiyasi yorqin loyihalar bilan boyigan. U aktyor sifatida ham dramatik, ham komedik rollarda o‘zini sinab ko‘rgan. 2001-yilda “Bo‘ri qardoshligi” trilleri ekranlarga chiqqan. Film tomoshabinni 18-asrda Fransiyaning janubida yuz berayotgan vahshiy qotilliklar olamiga sho‘ng‘ishga chorlaydi. Ushbu filmda Bernar bilan birga Vensan Kassel, Monika Belluchchi kabi taniqli aktyorlar ham suratga tushgan. Monika Belluchchi bilan birga aktyor “Asteriks va Obeliks: Kleopatra missiyasi” kartinasida ham ishlagan.
Filmining birinchi qismi 1998-yilda namoyish etilgan bo‘lib, Farsi unda komissar Jiber rolini ijro etgan. Pitsseriyaning sobiq kuryeri Daniel va omadsiz politsiyachi Emilyenning kulgili sarguzashtlari haqidagi kartina nafaqat Fransiyada, balki butun dunyoda mashhurlikka erishgan.
Bernar Farsining shaxsiy hayoti haqida ma’lumotlar yo‘q. Aktyor na rafiqasi, na farzandlari haqida ommaga hech qanday ma’lumot bermaydi. Jurnalistlar Bernardan shaxsiy hayoti haqida bir necha bor so‘ragan, biroq aktyor intervyularida faqat teatr va kino haqida gapirishni ma’qul ko‘rgan. Farsi ijtimoiy tarmoqlardan foydalanmaydi, shu sababli uning hozir qanday hayot kechirayotgani haqida ma’lumot mavjud emas.
Aktyorning muxlislari uning 2023-yilda keksa er-xotinlarning hayoti haqidagi filmda suratga tushganini eshitib, albatta xursand bo‘lishadi.