Suratga olish vaqtida hamkasblarining hayotini saqlab qolgan aktyorlar
Suratga olish paytida hamkasblarining hayotini saqlab qolgan aktyorlar
Kinoda xavf ko‘pincha “Stop, kadr olindi!” degan buyruq bilan tugaydi, ammo ba’zan aktyorlar unga hayotning o‘zida duch kelishadi. Noto‘g‘ri bajarilgan tryuk, tasodif yoki xato — va har bir soniya juda muhim bo‘lib qolishi mumkin. Suratga olish jarayonida dovdirab qolmay, hamkasblarini qutqarib qolgan yulduzlar haqida so‘z yuritamiz.
“Uddalab bo‘lmas topshiriq: O‘lim bilan hisoblashuv” filmini suratga olish chog‘ida aktyor xavfli tryuklarni piar uchun emas, balki rostdan ham bajarishini yana bir bor ko‘rsatdi. Harakatlanayotgan poyezd ustidagi sahna tasvirlanayotgan paytda operator yiqilib tushishiga sal qolgandi. O‘sha vaqtda yonida bo‘lgan Tom Kruz uni ushlab qolib, yordamchi guruh yetib kelgunicha tutib turgan. Guruh xavfsizlik troslaridan foydalangan bo‘lsa ham, aktyor bo‘lmaganida operatorning jarohat olishi aniq edi.
Filmlardan birini suratga olish jarayonida aktrisa Mishel Yeo jang sahnasida adashib, dekoratsiyaga qattiq urilib ketishi mumkin edi. Buni payqab qolgan Jeki so‘nggi lahzada uni tutib qoladi.
Aktyor doimo nafaqat o‘zi, balki yonida ishlayotganlarning barchasi uchun ham mas’uliyat sezishini aytib kelgan. Uning chaqqon reaksiyasi hamkasbini og‘ir jarohatdan asrab qoladi va oxir-oqibat bu sahna filmda qoldiriladi.
“Indiana Jons va taqdir g‘ildiragi” filmini suratga olish vaqtida suratga olish guruhi a’zolaridan biri birdan hushidan ketadi. O‘sha paytda 79 yoshda bo‘lgan Harrison Ford darhol birinchi yordam ko‘rsatadi.
Aktyor zudlik bilan shifokor chaqirishni aytadi va feldsher kelguniga qadar jabrlanuvchining ahvolini o‘zi kuzatib turadi. Shifokor yetib kelgach, erkakka keyingi tibbiy yordam ko‘rsatiladi. Keyin ma’lum bo‘lishicha, unda yurak xuruji yuz bergan. Suratga olish guruhi a’zolari Fordning vazminligi va tezkorligini alohida qayd etishadi — aynan u tufayli hamkasbining hayoti saqlab qolinadi.
Genri Kavill Supermen libosini allaqachon yechgan bo‘lsa-da, hanuz haqiqiy qahramon bo‘lib qolmoqda. Kavill bilan “Nojentlmenlar ishlari vazirligi” filmida birga suratga tushgan aktyor Aleks Pettiferning aytishicha, u suvda xavfli vaziyatga tushib, cho‘kib ketishiga sal qolgan. Kavill o‘z vaqtida harakat qilib, uni qayiqdan yiqilib tushishdan saqlab qolgan.
“Persi Jekson va chaqmoq o‘g‘risi” filmini suratga olish paytida ijodiy guruh foydalanayotgan furgon yaqinida turgan Uma Turman tomonga sirpanib keta boshlaydi. Pirs Brosnan xavfni vaqtida sezib, haydovchi o‘rindig‘iga o‘tiradi. Aktyor tormozni keskin bosib, avtomobilni to‘xtatib qoladi.
Uma Turman u yordam bergan yagona hamkasbi emas. “O‘lish vaqti emas” filmini suratga olish chog‘ida Holli Berri anjir yeb, tiqilib qoladi. Brosnan darhol Geymlix usulini qo‘llab, aktrisaning hayotini saqlab qoladi.