Sunʼiy intellekt atrofidagi bahslar Oq uyga yetib keldi: Tramp Anthropic rahbari bilan uchrashdi
Oq uy maʼmuriyati SI xavflari borasidagi xavotirlar fonida texnologiya rahbarlari bilan uchrashuvlarga tobora koʻproq eʼtibor qaratmoqda
Sunʼiy intellekt borasidagi tortishuvlar Oq uyga ham yetib keldi: Tramp Anthropic rahbari bilan uchrashdi
AQSH prezidenti Donald Tramp yakshanba kuni kechqurun Oq uyda Anthropic (Claude AI) kompaniyasining hammuassisi va bosh direktori Dario Amodey bilan xususiy kechki ovqat o‘tkazdi. Bu uchrashuv sunʼiy intellekt (SI) rivojini sekinlashtirish haqidagi qizg‘in munozaralar hamda kompaniyaning Pentagon bilan davom etayotgan nizosi fonida bo‘lib o‘tdi. Uchrashuv natijalari hozircha oshkor etilmagan.
Prezident Endryus harbiy bazasiga qaytgach, jurnalistlarga Amodey bilan ovqatlanganini aytib, uni «juda hurmatli» inson deb ta’rifladi.
Oq uy rasmiysi esa Amerika superintellekt sohasida dunyoga yetakchilik qilishini va bunda iste’molchilar himoya qilinishini ta’kidladi. Oq uy ham, Anthropic ham nashr so‘roviga izoh bermagan.
O‘tgan hafta Tramp Xitoy raisi Si Jinping sharafiga ziyofat berib, Amerikadagi deyarli barcha IT va AI gigantlari rahbarlarini taklif qilgandi. Axios’ga ko‘ra, aynan Amodey boshqa rejasi sababli tadbirga bora olmagan va Tramp keyin uni shaxsan taklif qilgan. Forbes esa Amodey taklif etilganlar ro‘yxatida umuman bo‘lmaganini yozdi.
Seshanba kuni prezident Tramp Vakillar palatasi spikeri Mayk Jonson bilan birga yetakchi SI kompaniyalari rahbarlarini qabul qiladi. Tadbirda amerikaliklarga federal ma’lumotlardan foydalanishda yordam beradigan yangi hukumat sayti taqdim etiladi. Times’ning e’tibor qaratishicha, Oq uy ma’muriyati SI xavflari borasidagi xavotirlar fonida texnologiya rahbarlari bilan uchrashuvlarga tobora ko‘proq e’tibor qaratmoqda.
Sekinlashtirish chaqirig‘i
Uchrashuv oldidan keskinlik sentabr boshida, SI xavfsizligi haqidagi bahs keng jamoatchilik muhokamasiga chiqqanidan