“Sumerki”ning ashaddiy muxlislari ham payqamagan 10 ta xato
“Sumerki”ning ashaddiy muxlislari ham payqamagan 10 ta xato
Kuz fasli hukm surar ekan, demak, “Sumerki”ni qayta ko‘rib chiqish vaqti keldi. Ammo filmlarni yana bir bor tomosha qilib, ayrim sahnalarga sinchkovlik bilan qaralsa, rejissyorlar va montajchilar e’tiboridan chetda qolgan mayda, lekin qiziqarli xatolarni ham ko‘rish mumkin.
**Boshlanishidayoq qo‘shaloq xato**
“Sumerki”ning birinchi qismi tomoshabinni kinoxatolar bilan tom ma’noda kutib oladi. Ularning ikkitasini filmning oltinchi daqiqasidayoq, Bella eski mashinasida yangi maktabga kelgan paytda payqash mumkin. To‘q qizil xudi kiygan qora tanli yigit mashinaga istehzo bilan qaraydi. Ko‘rinishidan, Bella mashinadan tushishga ancha vaqt jur’at eta olmaydi, chunki u tushguniga qadar bu yigit allaqachon sovqotib, ustidan kulrang nimchasini kiyib ulgurgan bo‘ladi.
Lekin qiziq tomoni shundaki, Bella avtomobil oynasi orqali ko‘rsatilganda, uning aksida nafaqat kamera, balki mikrofon ham ko‘rinadi.
**Sinfdagi narsalar harakatlanadi va paydo bo‘ladi**
Yodingizda bo‘lsa, Bella birinchi marta Edvardning yoniga o‘tirganida ular orasida darhol noqulaylik yuzaga keladi. Ammo bundan oldin, qiz endigina partaga yaqinlashayotganida, chekkada bitta kitob tashlab qo‘yilgan bo‘ladi. U o‘tirganida esa darslik burchakda tartibli turadi. Go‘yo Edvard yoki boshqa birov uni olib, joyini o‘zgartirib qo‘ygandek. Qizig‘i, bu ikki kadr orasida bir soniya ham o‘tmagan.
Shuningdek, ayni shu sahnada orqadagi javonda to‘satdan zirhli hayvon (bronenosets) tulumi ham paydo bo‘ladi.
**Ryukzak harakatlanadi va g‘oyib bo‘ladi**
“17 yoshga kirganingga qancha bo‘ldi?” degan afsonaviy sahna yodingizdami? Bella o‘rmonga kirib ketayotganda, ryukzagini daraxt tagiga tashlaydi va uning to‘q rangli tomoni ko‘proq ko‘rinib turadi. Edvard yaqinlashganida esa sumka to‘q sariq qismi yuqoriga qaragan holda yotadi.
Keyingi kadrlarda esa ryukzak butunlay yo‘qolib qoladi.
**Bellaning qon bosimini ikki marta o‘lchashadi**
Karlayl kasalxona palatasiga kirganida Bellaning qon bosimi o‘lchanadi. Qizning oldiga otasi kelgan paytda hamshira aynan shu vaqtda uning qo‘lidan manjetni yechayotgan bo‘ladi. Ammo keyingi kadrlarda manjet yana Bellaning qo‘liga qaytadi. Karlayl paydo bo‘lishi bilan esa u butunlay g‘oyib bo‘ladi.
**Kasalxonada hamma narsa o‘z-o‘zidan harakatlanadi**
Bella kasalxonaga tushib qolgan, Edvard esa uning yonidagi divanda go‘yoki mudrab yotgan navbatdagi dramatik lahza. Avval bizga qahramonning yuzi yirik planda ko‘rsatiladi va kislorod naychalari negadir juda baland ko‘tarilib, qizning kipriklariga tegib turganini ko‘ramiz. Umumiy kadrlarda esa ular odatdagi holatda turadi. Mayli, Bella ularni to‘g‘rilab qo‘ygan bo‘lishi mumkin. Ammo keyin kadrlar almashganda, naychalar uning yuzi bo‘ylab pastga va yuqoriga “sayohat” qilishda davom etadi.
Bu paytda “uxlayotgan” Edvard yonidagi tumbochka ustidagi narsalar ham negadir joyini almashtiradi. Chunki turli rakurslardan olingan kadrlarda chiroq, qandaydir latta va gullarning joylashuvi bir xil emas.
**“Sumerki. Saga. Yangi oy” filmidagi kinoxatolar**
**Kitob goh paydo bo‘ladi, goh yo‘qoladi**
“Sumerki” sikveli hamma narsada birinchi qismdan o‘zib ketishga urinadi, shuning uchun birinchi kinoxato bu yerda ertaroq — aynan uchinchi daqiqadayoq paydo bo‘ladi. Bella uyg‘onadi, uning yostig‘ida esa “Romeo va Julyetta” kitobi turadi. Keyin otasi uni tug‘ilgan kuni bilan tabriklash uchun xonaga kiradi. Va kitob birdan g‘oyib bo‘ladi.
Ammo yo‘q, keyingi kadr almashinuvida kitob yana paydo bo‘ladi. Aynan o‘sha sahnada, xuddi shu rakursdan olingan joyida.
**Sharf o‘z-o‘zidan bog‘lanib qoladi**
Bella tug‘ilgan kunini nishonlashni istamaydi, lekin hamma unga tinmay sovg‘alar beraveradi. Qizni maktabda navbatdagi syurpriz kutadi, u yerda Elis kutilmaganda unga quticha tutqazadi.
Axir, Elis stereotipik qiz sifatida, aftidan, sharf o‘rashning qaysi usuli unga ko‘proq yoqishini hal qila olmagan ko‘rinadi. Shu sababli turli kadrlarda tugunlar ham har xil: sharfning uchlari goh ikki tomonga qarab turadi, goh pastga osilib turadi. Bu yerda shunchaki liboslar bo‘yicha ustalar turli dubllarda buni har xil qilishgan va buni na rejissyor, na montajchi payqagan.
**“Sumerki. Saga. Tong” filmlaridagi kino xatolari**
**Bella o‘zini qo‘ng‘iroq qilayotgandek ko‘rsatadi**
Bella homiladorligini bilib qoladi va Edvard «bundan» xalos bo‘lishni talab qiladi. Ular samolyot tomon yo‘l olishadi, ammo eri nariroqqa ketganida, qiz yordam so‘rab Rozaliga qo‘ng‘iroq qiladi.
Aniqrog‘i, qo‘ng‘iroq qilgandek o‘zini tutadi: u telefonni oladi, qulfdan chiqarish tugmasini bosadi va keyin uni qulog‘iga tutadi. Qo‘ng‘iroq vaqtida bo‘lishi kerak bo‘lganidek, ekran o‘chmaydi. Hatto ekranda qo‘ng‘iroq ketmayotganini ham ko‘rish mumkin.
**Qog‘oz kutilmaganda ifloslanadi**
"Tong"ning ikkinchi qismida Edvard va Bellaning asosiy vazifasi qizlarining hech qanday xavf tug‘dirmasligini tasdiqlovchi imkon qadar ko‘proq guvohlarni yig‘ishdan iborat. Shu o‘rinda, nega katta tezlikda yugura oladigan vampirlar sekin yuradigan avtomobillarda vaqtlarini sarflashadi, deb o‘ylab qolish mumkin. Ammo hozir gap bu haqda emas.
Ular kitobdan yirtib olingan sahifada xat qoldirib g‘oyib bo‘lgan Jasper va Elisdan tavsiya olishadi. Keyinchalik Bella javobni kitobning o‘zidan izlash kerakligini tushunib yetadi. U barcha sayohatlar davomida zarracha ham kirlanmagan, mutlaqo toza xatni oladi. So‘ng uni kitobga qo‘yadi. Va bir soniya ichida sahifada bir-ikkita dog‘ paydo bo‘lishiga ulguradi.
**Bella kutilmaganda poyabzalini almashtiradi**
“Tong”ning ikkinchi qismidagi yakuniy jang — kinodagi eng g‘alati jang sahnalaridan biri. To‘polon ham, grafika ham ko‘p, ammo ma’no kam. Hatto Bella ham shunchalik zerikkanidan, jang paytida poyabzalini almashtirishga ulgurgan. Axir dastlab uni poshnali etikda ko‘ramiz, biroq u oyoqlari bilan dushmanlardan himoyalanayotganida, poyabzalining tagcharmi yaqqol o‘zgarib qoladi.