STIRni qanday olish va bilish mumkin?
STIR hujjatlar, soliq masalalari va biznesni roʻyxatdan oʻtkazish jarayonlari orqali tanish, ammo uni olish va undan foydalanish tartibi oʻzgargan. Ushbu materialda bu raqam nimani anglatishi, kimga va qachon berilishi, JShShIRdan nimasi bilan farq qilishi va uni qanday bilish mumkinligi haqida soʻz yuritamiz.
STIRni qanday olish va aniqlash mumkin?
STIR nima va u kim uchun kerak?
STIR — soliq toʻlovchining identifikatsiya raqami. U 9 ta raqamdan iborat boʻlib, Oʻzbekistonda soliq hisobini yuritish hamda soliq toʻlovchilarni identifikatsiya qilish uchun ishlatiladi.
STIR va JSHSHIR — bir-biridan farq qiladigan identifikatorlar. 2021-yil 1-iyuldan boshlab jismoniy shaxslarning soliq hisobini yuritishda JShShIRdan foydalaniladi. U 14 ta raqamdan iborat.
Yuridik shaxs uchun STIRni alohida olish talab etilmaydi: u davlat roʻyxatidan oʻtkazish jarayonida beriladi.
Nima uchun jismoniy shaxslar uchun JSHSHIR qoʻllaniladi?
2021-yil 1-iyuldan boshlab jismoniy shaxslarga yangi STIR berilmaydi. Soliq hisobi uchun JSHSHIR — jismoniy shaxsning shaxsiy identifikatsiya raqami qoʻllanadi.
Prezident farmoni bilan STIR berish bo‘yicha davlat xizmati bekor qilindi va JShShIRga oʻtish nazarda tutildi.
Agar fuqaroda yangi tizimga oʻtishdan oldin STIR boʻlmagan boʻlsa, u JSHSHIR bo‘yicha soliq hisobiga qoʻyiladi.
Hozir jismoniy shaxs uchun yangi STIR olishning imkoni yoʻq. Agar raqam 2021-yil 1-iyulgacha berilgan boʻlsa, uni JSHSHIR bilan birga Soliq mobil ilovasi yoki my.gov.uz orqali bilish mumkin.
Xizmat tanlangach, hujjat turi, pasport seriyasi va raqami, shuningdek tugʻilgan sanani kiritish kerak.