Sigirlar uchun quloq birkasi: Oʻzbekiston raqamli chorvachilikni nishonga oldi, loyiha 20 mln dollarga baholandi
Mamlakatda Janubiy Koreya texnologiyalari asosida hayvonlarni raqamli identifikatsiya qilish va kuzatish tizimini joriy etish niyatidalar. Loyiha 20 million dollar miqdoridagi investitsiyalarni va bir yillik pilot bosqichini ishga tushirishni nazarda tutadi. Oziq-ovqat xavfsizligi qoʻmitasi raisi Azizbek Urunov Janubiy Koreyaning INPRO Inc. kompaniyasi bosh direktori Chxve Sin Xyok bilan muzokaralar oʻtkazdi. Tomonlar chorvachilikka raqamli texnologiyalarni joriy etish, tizimni takomillashtirish masalalarini muhokama qildilar […]
Sigir uchun quloq birkasi: Oʻzbekiston raqamli chorvachilikka tayanadi, loyiha $20 mln ga baholandi
Mamlakatda Janubiy Koreya texnologiyalariga asoslangan hayvonlarni raqamli identifikatsiya qilish va kuzatish tizimini joriy etish rejalashtirilmoqda. Loyiha $20 mln miqdoridagi investitsiyalarni va bir yillik pilot bosqichini ishga tushirishni nazarda tutadi.
Oziq-ovqat xavfsizligi qoʻmitasi raisi Azizbek Urunov Janubiy Koreyaning INPRO Inc. kompaniyasi bosh direktori Chxve Sin Xyok bilan muzokaralar oʻtkazdi. Uchrashuv davomida tomonlar chorvachilikka raqamli texnologiyalarni joriy etish, hayvonlarni identifikatsiya qilish va kuzatish tizimini takomillashtirish, shuningdek, chorvachilik genetikasini rivojlantirishni muhokama qildilar.
Janubiy Koreya kompaniyasi vakillari DLGS (Digital Livestock Global System) raqamli platformasini taqdim etdilar. Uning asosini ISO/ICAR xalqaro standartlariga mos keladigan RFID-quloq birkalari va bulutli texnologiyalar tashkil etadi.
Platforma har bir hayvon haqidagi maʼlumotlarni: tugʻilishidan tortib, salomatligi holati, emlanishi va koʻchirilishigacha real vaqt rejimida kuzatib borish imkonini beradi. Ishlab chiquvchilarning baholashicha, tizimning joriy etilishi hayvonlarni majburiy identifikatsiya qilish va roʻyxatga olish toʻgʻrisidagi qonunchilik talablari bajarilishini taʼminlashga, shuningdek, epizootik vaziyat ustidan nazoratni kuchaytirishga yordam beradi.
Uchrashuv yakunlari boʻyicha tomonlar oʻzaro anglashuv memorandumini imzoladilar. Hujjat Oʻzbekistondagi raqamli chorvachilik va genetika loyihalariga $20 mln investitsiyalarni jalb qilishni, shuningdek, bir yil muddatga pilot loyihani amalga oshirishni nazarda tutadi.
Hamkorlik, shuningdek, mahalliy korxonalar, ilmiy-tadqiqot muassasalari va fermer xoʻjaliklarining ishtirokini, birgalikdagi ilmiy va tajriba-sinov ishlarini oʻtkazishni, shuningdek, mutaxassislar malakasini oshirishni nazarda tutadi.
Pilot bosqichi yakunlangach, tomonlar uning natijalarini baholaydilar va hamkorlikni yanada kengaytirish variantlarini koʻrib chiqadilar.