Si Jinping doʻstlik ramzi sifatida AQShga ikkita panda yuborishini eʼlon qildi
Xitoy hukumati ikki davlat oʻrtasidagi doʻstlik ramzi sifatida AQShga ikkita panda yuboradi. Bu haqda Xitoy raisi Si Jinping AQSH prezidenti Donald Tramp tomonidan Oq uyda tashkil etilgan kutib olish marosimidagi nutqida maʼlum qildi.
Si Jinping doʻstlik belgisi sifatida AQShga ikkita panda yuborilishini maʼlum qildi.
«Ulkan panda har doim Xitoy va amerikaliklar oʻrtasidagi doʻstlik ramzi boʻlib kelgan. Bir necha kundan soʻng ikkita panda, Pin Pin va Fu Shuan Atlanta hayvonot bogʻidagi yangi uyiga yetib keladi va Amerika xalqi bilan yuzlashadi», - dedi Si Jinping.
Tramp Si Jinpingni 23-sentabr kuni Vashington yaqinidagi Endryus aviabazasida kutib oldi. Trampning Si Jinping yetib kelgach uni shaxsan qarshi olish qarori 60 yildan ortiq vaqt davomida amal qilib kelgan diplomatik protokoldan chekinish bo‘ldi. Bu xorijiy yetakchilarni qabul qilishning shakllangan amaliyotiga taalluqli bo‘lib, unga ko‘ra Amerika prezidenti odatda ularni harbiy bazaga qo‘ngan zahoti bevosita kutib olmaydi.
Bunday oxirgi holat 1962-yilda yuz bergan, o‘shanda Jon Kennedi baza uchish-qo‘nish yo‘lagida Buyuk Britaniya bosh vaziri Garold Makmillanni kutib olgan edi.
Si Jinping 23-sentabrdan 25-sentabrgacha AQShda bo‘ladi. Bu Xitoy rahbarining o‘n yildan ortiq vaqt ichida ushbu mamlakatga ilk davlat tashrifidir.
Panda diplomatiyasi — Xitoyning katta pandani xorijga yumshoq kuch vositasi sifatida yuborish amaliyoti: avvaliga bepul davlat sovg‘asi sifatida, 1980-yillarning oʻrtalaridan boshlab esa uzoq muddatli ijara asosida. Hayvonlar Xitoy mulki bo‘lib qoladi va ularning boshqa mamlakat hayvonot bog‘ida paydo bo‘lishi odatda «alohida» yoki yaxshilanayotgan munosabatlardan darak beradi. Katta panda yovvoyi holda faqat Xitoyda yashaydi.