Shomurodovdan gol, Fayzullayevdan assist: “Bashakshehir” yangi mavsumni ishonchli g‘alaba bilan boshladi (video)
Shomurodov gol urdi, Fayzullayev assistentlik qildi: "Bashakshehir" yangi mavsumni ishonchli g'alaba bilan boshladi (video)
Turkiya Superligasining 1-turida "Bashakshehir" o'z uyida "Kojaelispor"ni qabul qilib, Istanbul klubining 2:0 hisobidagi g'alabasi bilan yakunlandi.
Uchrashuvning boshida mezbonlar hisobni ochishga muvaffaq bo'lishdi. 14-daqiqada o'zbekistonlik futbolchi Abbosbek Fayzullayevning uzatmasidan so'ng Kristofer Operi darvozani ishg'ol qildi va hisob 1:0 bo'ldi. Ikkinchi bo'limda ham faollikni yo'qotmagan istanbuliklar yana bir bor raqib darvozasiga yo'l topishdi. 72-daqiqada O'zbekiston milliy terma jamoasi hujumchisi Eldor Shomurodov Olsenning uzatmasini golga aylantirib, oradagi farqni ikkitaga oshirdi va hisob 2:0 bo'ldi.
E'tiborlisi shundaki, "Bashakshehir" sharafini himoya qilayotgan har ikki o'zbekistonlik futbolchi uchrashuvni asosiy tarkibda boshladi. 51-daqiqada hakam tomonidan sariq kartochka bilan jazolangan Abbosbek Fayzullayev 63-daqiqada Yusuf Sari bilan almashtirildi. O'z hisobiga gol yozdirib qo'ygan Eldor Shomurodov esa 75-daqiqada o'rnini Davye Selkega bo'shatib berdi.
Ushbu g'alabadan so'ng "Bashakshehir" dastlabki turdayoq muhim 3 ochkoni qo'lga kiritib, turnir jadvalida 2-o'rindan joy oldi. Musobaqa jadvalida peshqadamlik o'z uchrashuvini yirik 3:0 hisobida yakunlagan "Amedspor" jamoasiga nasib etib turibdi.
Turkiya Superligasi, 1-tur
"Bashakshehir" — "Kojaelispor" 2:0
Gollar: 1:0 — Operi (14), 2:0 — Shomurodov (72).