Shaxmat. O‘zbekiston terma jamoasi AQSHdagi turnirda qatnashmoqda. Natijalar qanday?

Shaxmat bo‘yicha O‘zbekiston terma jamoasi AQSHda o‘tkazilayotgan turnirda ishtirok etmoqda. Mayami shahrida bo‘lib o‘tayotgan WR Chess Rapid & Blitz musobaqasida O‘zbekiston jamoasi AQSHga qarshi bahs olib bordi.

Rapid yo‘nalishidagi to‘rtta tur o‘yinlari yakunlandi. Natijalar quyidagicha:

* **1-tur:** AQSH 2.5 : 1.5 O‘zbekiston

* **2-tur:** AQSH 2.0 : 2.0 O‘zbekiston

* **3-tur:** AQSH 2.5 : 1.5 O‘zbekiston

* **4-tur:** AQSH 1.5 : 2.5 O‘zbekiston

Rapid bahslari yakuniga ko‘ra umumiy hisob:

* **Taxtalar bo‘yicha ochkolar:** AQSH 8.5 — 7.5 O‘zbekiston

* **Jamoaviy ochkolar:** AQSH 5 — 3 O‘zbekiston

O‘zbekiston terma jamoasi tarkibida Javohir Sindorov, Nodirbek Abdusattorov, Muhiddin Madaminov, Nodirbek Yakubboyev va Shamsiddin Vohidov ishtirok etmoqda. AQSH jamoasi esa Hikaru Nakamura, Fabiano Karuana, Uesli So va Levon Aronyan kabi shaxmatchilardan tashkil topgan.

Bugun, 28-iyul kuni soat 22:00 da ikkinchi kunning sakkiz turdan iborat blits bahslari boshlanadi. Turnirning umumiy g‘olibi blits o‘yinlari yakunida ma’lum bo‘ladi.