Shavkat Mirziyoyev Daniya tashqi ishlar vazirini qabul qildi
Ta’lim, madaniyat va turizm sohalarida aloqalarni rivojlantirish uchun salmoqli salohiyat mavjudligi qayd etildi. Xalqaro va
Shavkat Mirziyoyev Daniya tashqi ishlar vazirini qabul qildi
O‘zbekiston Respublikasi Prezidenti Shavkat Mirziyoyev 2-oktyabr kuni mamlakatimizga rasmiy tashrif bilan kelgan Daniya Qirolligi tashqi ishlar vaziri Lars Lyokke Rasmussenni qabul qildi.
Uchrashuvda O‘zbekiston – Daniya munosabatlarini siyosiy, savdo-iqtisodiy va madaniy-gumanitar yo‘nalishlarda yanada kengaytirishning amaliy jihatlari muhokama qilindi.
Ikki tomonlama hamkorlikning sezilarli darajada faollashgani mamnuniyat bilan qayd etildi. O‘tgan yili Daniyaga O‘zbekistonning qarorgohi Stokgolm shahrida joylashgan ilk elchisi tayinlangan edi. Joriy yilda esa Daniya Markaziy Osiyo bo‘yicha maxsus vakilini tayinladi.
So‘nggi yillarda o‘zaro tovar ayirboshlash hajmi qariyb besh barobar oshgani ta’kidlandi. Daniyaning yetakchi kompaniyalari ishtirokida O‘zbekistonda tog‘-kon, kimyo va oziq-ovqat sanoati, qishloq xo‘jaligi, suv ta’minoti hamda boshqa sohalarda qo‘shma loyihalar amalga oshirilmoqda.
O‘zaro savdo hajmini yanada ko‘paytirish, Daniya investitsiyalari, ilg‘or texnologiyalari va nou-xaularini energetika, farmatsevtika, transport va logistika, agrosanoat majmui hamda boshqa istiqbolli yo‘nalishlarga jalb etish zarurligi qayd etildi.
Ta’lim, madaniyat va turizm sohalarida aloqalarni rivojlantirish uchun salmoqli salohiyat mavjudligi ham alohida ta’kidlandi.
Shuningdek, xalqaro va mintaqaviy ahamiyatga molik dolzarb masalalar yuzasidan fikr almashildi.
Uchrashuv yakunida hamkorlikni tizimli ravishda kengaytirish uchun institutsional va shartnomaviy-huquqiy asoslarni yanada mustahkamlash bo‘yicha kelishuvga erishildi.