Senat Oʻzbekiston va Pokiston oʻrtasida mahkumlarni topshirishni maʼqulladi
Senat Oʻzbekiston va Pokiston oʻrtasida mahkumlarni topshirishni maʼqulladi
Senat Pokiston bilan mahkumlarni jazoning qolgan qismini oʻzi fuqarosi boʻlgan davlatda oʻtashi uchun topshirish toʻgʻrisidagi bitimni ratifikatsiya qilish haqidagi qonunni maʼqulladi. Gap ozodlikdan mahrum etishga hukm qilingan va boshqa mamlakat hududidagi qamoqxonalarda saqlanayotgan shaxslar haqida bormoqda.
Bitim 2026 yil 5 fevralda Islomobodda imzolangan. U sud tomonidan tayinlangan jazo muddatining bir qismini oʻtashi qolgan mahkumlarni topshirish tartibini belgilaydi.
Hujjatda topshirish shartlari va rad etish uchun asoslar belgilangan, ikki davlatning vakolatli organlari, shuningdek, soʻrovlarga qoʻyiladigan talablar va ularni koʻrib chiqish tartibi koʻrsatilgan. Bundan tashqari, unda mahkum topshirilganidan keyin jazoni ijro etish, uni tranzit qilish va bu bilan bogʻliq xarajatlarni qoplash qoidalari mustahkamlangan.
Senatorlarning fikricha, bitim xorijda jazo oʻtayotgan fuqarolarning huquq va qonuniy manfaatlarini yaxshiroq himoya qilishga, shuningdek, ularning keyinchalik ijtimoiy reabilitatsiyasi uchun sharoit yaratishga xizmat qiladi.
Muhokamadan soʻng senatorlar bitimni ratifikatsiya qilish toʻgʻrisidagi qonunni maʼqulladilar.
Avvalroq Oʻzbekiston va Pokiston, Qozogʻiston va BAA Markaziy va Janubiy Osiyo orqali Pokiston dengiz portlariga chiqadigan CASA temir yoʻl yoʻnalishini ishlab chiqishga kelishib olgan edi.