Samarqandda qalbaki dollar sotayotgan uch shaxs qoʻlga olindi
Ushbu soxta banknotlar Turkiyadan keltirilgan boʻlgan.
Samarqandda qalbaki dollar sotishga uringan uch shaxs ushlandi
Samarqandda qalbaki dollarlar savdosi aniqlandi.
Iqtisodiy jinoyatlarga qarshi kurashish yoʻnalishida Davlat xavfsizlik xizmati, Bojxona va Ichki ishlar organlari xodimlari hamkorligida Samarqand shahrida tezkor tadbir oʻtkazildi.
Tadbir davomida qalbaki xorijiy valyutani muomalaga kiritishga uringan shaxslar qoʻlga olindi.
Xususan, Toyloq tumanida yashovchi, 1996, 2002 va 2003 yillarda tugʻilgan 3 nafar fuqaro 100 AQSh dollari nominalidagi qalbaki banknotlardan iborat jami 7400 AQSh dollarini shartli xaridorga 44 mln soʻmga sotgan paytlarida ularning noqonuniy harakatlariga chek qoʻyildi.
Aniqlanishicha, qonunbuzarlarning 2 nafari muqaddam sudlangan boʻlib, qalbaki kupyurlar Turkiyadan olib kelingan.
Holat boʻyicha tergovga qadar tekshiruv harakatlari davom ettirilmoqda, shuningdek ushbu noqonuniy ishga aloqador boshqa shaxslarni aniqlash boʻyicha choralar koʻrilmoqda.