Saida Mirziyoyeva Turkiyaning Baykar majmuasida mudofaa texnologiyalari bilan tanishdi
Saida Mirziyoyeva Turkiyaning Baykar kompaniyasi majmuasiga tashrif buyurib, yuqori texnologiyalar, jumladan, mudofaa sanoatidagi ilgʻor loyihalar bilan tanishdi. U mutaxassislar oʻrtasida tajriba almashish va texnologik loyihalarni birgalikda amalga oshirish imkoniyatlari borligini qayd etdi.
Saida Mirziyoyeva Turkiyadagi Baykar majmuasida mudofaa texnologiyalari bilan tanishdi. Prezident administratsiyasi rahbarining aytishicha, kompaniya erishgan yutuqlar ortida ko‘p yillik ilmiy tadqiqotlar, iqtidorli muhandislar mehnati hamda milliy texnologiyalarni rivojlantirishga yo‘naltirilgan investitsiyalar turibdi.
«Turkiyaning bu boradagi tajribasi Oʻzbekiston uchun ham muhim amaliy ahamiyatga ega», - dedi Saida Mirziyoyeva.
U, shuningdek, ikki mamlakat mutaxassislari o‘rtasida tajriba almashish va qo‘shma texnologik loyihalarni amalga oshirish uchun imkoniyatlar mavjudligini qayd etdi.