Saida Mirziyoyeva: Qoraqalpogʻistonga kiritilayotgan investitsiyalar hajmi ortib bormoqda
Prezident Administratsiyasi rahbari Saida Mirziyoyeva Qoraqalpogʻiston Respublikasiga kiritilayotgan investitsiyalar hajmi oshgani hamda yangi yirik loyihalar, jumladan, xorijiy hamkorlar ishtirokida amalga oshirilayotgani haqida maʼlum qildi.
Saida Mirziyoyeva: Qoraqalpogʻistonga investitsiyalar ortib bormoqda
«Bu mamlakatimizga va biz biznes uchun yaratayotgan imkoniyatlarga boʻlgan jiddiy ishonchdan dalolat beradi», — maʼlum qildi Saida Mirziyoyeva.
U, shuningdek, Prezident Shavkat Mirziyoyev bilan birgalikda yangi tibbiyot akademiyasi, qator korxonalar va intensiv bogʻlarda boʻlib, aholining ishlashi va daromadlarini oshirishi uchun yaratilgan sharoitlar bilan tanishganini taʼkidladi.
«Biz yanada oldinga harakat qilish niyatidamiz. Bundan-da koʻproq investitsiyalarni jalb etish, xalqaro hamkorlar doirasini kengaytirish va yanada yirik miqyosdagi loyihalarni ishga tushirish niyatidamiz», — dedi Saida Mirziyoyeva.
Uning qoʻshimcha qilishicha, Prezidentning Qoraqalpogʻistonga tashrifi davomida 592 million dollarlik 11 ta loyiha ishga tushirildi va xorijiy hamkorlar ishtirokida qiymati 7 milliard dollarlik yana 47 ta loyiha qurilishi boshlandi.