Sahna ortidagi mojarolar: aktyorlar janjali sabab syujeti o‘zgartirilgan turk seriallari
Sahna ortidagi mojarolar: aktyorlar janjali sabab syujeti o‘zgartirilgan turk seriallari
Ishdagi hissiy zo‘riqish, stress va jismoniy charchoq albatta o‘z izini qoldiradi, shu bois yulduzlar orasida tez-tez kelishmovchiliklar chiqib turadi.
Ba’zan ular bartaraf etiladi, ammo ayrimlari shu qadar katta va jiddiy mojarolarga aylanadiki, ssenariynavislar “raqiblar”ni turli yo‘nalishlarga ajratish uchun syujetni shoshilinch qayta yozishga va voqealar rivojini o‘zgartirishga majbur bo‘lishadi.
Feyzaning “Qizil sharbat” serialidagi hamkasblari bilan kelishmovchiliklari haqida uzoq gapirish mumkin, chunki Nilay rolini o‘ynagan aktrisaga yoqmaganlar juda ko‘p. Ko‘pincha yulduzlar loyihani o‘z xohishlari bilan tark etishga qaror qilishgan, biroq Pembe xonim obrazini gavdalantirgan Sibel Tashchiog‘lu loyihadan o‘z ixtiyori bilan ketganini rad etmoqda.
Qizig‘i shundaki, insayderlar u va ssenariynavis Melis Jivelekning qizi o‘rtasidagi mojaro haqidagi ma’lumotni juda tez aniqlashga muvaffaq bo‘lishgan. Matbuot va blogerlar aytishicha, Feyza o‘zidan katta hamkasbiga pand berishga va odob chegarasidan chiqqan qilmishini uning zimmasiga yuklashga qaror qilgan. Sibel bunday munosabatga chiday olmagan va qizni joyiga qo‘ygan, ammo oxir-oqibat buning oqibatini o‘zi tortgan.
Turkiyaning eng shov-shuvli seriali ssenariynavisi Melis Jivelek loyihadagi asosiy obrazlardan biri — Pembening kutilmaganda vafot etishi va serialdan chiqarilishi haqidagi mish-mishlarga munosabat bildirdi. U bu qaror qizi bilan yuzaga kelgan kelishmovchilik sabab qabul qilingani haqidagi xabarlarni inkor etdi.
Ssenariy muallifining aytishicha, oila bekasining o‘limi syujet mantig‘i nuqtai nazaridan zarur bo‘lgan, chunki bu qahramon atrofida qurilgan asosiy voqealar chizig‘i allaqachon yakuniga yetgan edi.
Shunga qaramay, serial muxlislari Pembening loyihadan aynan shu tarzda olib tashlanganidan hanuz norozi. Ular Pembe serialdagi boshqa qahramonlar o‘rtasidagi asosiy ziddiyat va burilishlarni harakatga keltiruvchi kuch bo‘lganini, uning ketishi bilan kadrda sezilarli bo‘shliq paydo bo‘lganini ta’kidlashmoqda.
Jamoatchilik orasida esa ssenariynavis Melis Jivelek o‘z qizi Feyza Jivelekni himoya qilish uchun har qanday qurbonlikka, hatto loyihani ko‘tarib turgan yetakchi aktrisa bilan xayrlashishga ham tayyor ekanini yana bir bor ko‘rsatdi, degan fikr ustunlik qilmoqda.
“Qo‘rg‘on sirlari” serialining ko‘plab muxlislari Seyran va Ferit o‘rtasidagi munosabatlarning sovuqlashishi aks etgan sahnalar ko‘pligi bevosita Afra Sarachog‘lu va Mert Ramazon Demirning haqiqiy hayotdagi janjallari bilan bog‘liq deb hisoblashadi.
Yulduzlar o‘rtasidagi ziddiyatlar va syujet o‘rtasidagi bog‘liqlik haqidagi versiyani Turkiyaning Aksam nashri ijtimoiy tarmoqlarda keng “tarqatdi” va uni tasdiqlovchi ayrim faktlar bilan muntazam bo‘lishib bordi.
Bular suratga olish maydonchasidan olingan video va suratlar bo‘lib, ularda go‘yoki sevishgan aktyorlar turli burchaklarda o‘tirgani va dubllar orasida bir-biri bilan umuman gaplashmagani aks etgan edi.
Burak O‘zchivit va Neslihan Atagul o‘rtasida dastlab ziddiyat bo‘lmagan, biroq ularning turmush o‘rtoqlari sabab bo‘lgan janjal mavjud edi. Natijada ssenariy mualliflari juftlikning birgalikdagi sahnalarini imkon qadar kamaytirish uchun serial syujetiga o‘zgartirish kiritishga majbur bo‘lishgan.
Asosiy umumiy sahnalarni olib tashlashning iloji bo‘lmagan, biroq Burak O‘zchivit va Neslihan Atagul ularda bir-biridan alohida suratga tushishgan. Shu sababli ham ba’zan ikkovlari o‘rtasidagi g‘alati masofa va sherigiga emas, chetga qaratilgan, hatto montajda ham yashirib bo‘lmaydigan nigohlar ko‘zga tashlanadi.
Berguzar va Meryem o‘rtasidagi ziddiyat “Muhtasham yuz yil” serialiga yangi qahramonning kiritilishiga sabab bo‘lgan. Halit Ergench rafiqasining hovurini tushirish uchun unga maxsus rol o‘ylab topishgan va Sulton Sulaymon Xurramga muhabbat izhor qilgan paytlarda rafiqasini suratga olish maydonchasiga taklif qilishgan.
Agar rashk bo‘lmaganda, xorijlik mehmon Monika Gritti ssenariyda bo‘lmas edi va bu holat bir necha bor o‘z tasdig‘ini topgan. Syujetga ko‘ra, u bosh qahramon bilan yomon munosabatda bo‘ladi. Aktrisalar buni qiyinchiliksiz ijro etgan, chunki ular real hayotda ham xuddi shu holatni boshdan kechirishayotgan edi.
Rashk tufayli syujeti qisman qayta yozilgan yana bir loyiha — Kivanch Tatlitug‘ va Tuba Byuyukustyun ishtirokidagi “Jasur va go‘zal” serialidir.
Aktyorga turmushga chiqqan va suratga olish maydonchasida stilist bo‘lib ishlagan Bashak Dizer tomoshabinlarni partnyorlar o‘rtasidagi “muhabbat”dan norozi bo‘lib, o‘z shartlarini qo‘ygan. Aktyorlarni yo‘qotib qo‘ymaslik uchun loyiha prodyuserlari bunga rozi bo‘lishga majbur bo‘lishgan, chunki ular Kivanch rafiqasining fikrini qadrlagani uchun ishdan voz kechishi mumkinligini tushunishardi. Natijada romantik sahnalar soni sezilarli darajada kamaytirilgan.