Sadriddin Hasanov Portugaliyada ilk rasmiy uchrashuvini o‘tkazdi

Sadriddin Hasanov Portugaliyadagi ilk rasmiy o‘yinini o‘tkazdi

Portugaliya U-23 chempionatining yangi mavsumi boshlandi. Unda o‘zbekistonlik futbolchilar Sadriddin Hasanov va Sayfiddin Sodiqov to‘p surayotgan “Braga U-23” jamoasi birinchi turda “Farense U-23” mehmoni bo‘ldi.

“Braga” yoshlari 2:3 hisobida mag‘lub bo‘lgan ushbu uchrashuvni Sadriddin Hasanov asosiy tarkibda boshladi va 87-daqiqada zaxiraga olindi. Bu uning Portugaliyadagi yangi jamoasi safidagi ilk rasmiy o‘yini bo‘ldi.

Uchrashuvda mezbonlar 32-daqiqada Moraesning goli bilan hisobni ochdi. Ikkinchi bo‘limda esa “Farense” ketma-ket gollar urib, hisobni o‘z foydasiga o‘zgartirdi. Nsumbu 62-daqiqada hisobni tenglashtirdi. 72-daqiqada Karvalyu “Braga”ni yana hisobda oldinga olib chiqqan bo‘lsa-da, Nsumbu 72-daqiqada dubl qayd etdi, 82-daqiqada esa Kosta mehmonlarga g‘alaba keltirgan golni urdi.

Sayfiddin Sodiqov esa kichik jarohati tufayli ushbu bahsda ishtirok etmadi. U hozirda individual mashg‘ulotlar olib bormoqda va hafta oxirigacha jamoaviy mashg‘ulotlarga qo‘shilishi kutilmoqda.

Eslatib o‘tamiz, har ikki o‘zbekistonlik futbolchi yozgi transferlar oynasida Portugaliyaning “Braga” klubiga kelib qo‘shilgandi.