Sabina Maxl — BMT ustuvor yoʻnalishlari va Oʻzbekiston bilan hamkorlik haqida
Birlashgan Millatlar Tashkiloti va Oʻzbekiston 2026–2030 yillarga moʻljallangan yangi Hamkorlik boʻyicha hadli dasturida strategik ustuvor yoʻnalishni — Oʻzbekiston xalqiga sarmoya kiritishni belgilab oldi. Bu haqda BMTning Oʻzbekistondagi doimiy koordinatori Sabina Maxl Kun.uz’ga bergan eksklyuziv intervyusida maʼlum qildi.
Sabina Maxl — BMT ustuvorliklari va Oʻzbekiston bilan hamkorlik haqida
«Bizda bitta strategik ustuvorlik bor — biz Oʻzbekiston odamlariga sarmoya kiritishimiz kerak. Bu biz hukumat bilan birgalikda belgilab olgan strategik ustuvorlikdir. Bu yerda gap taʼlim, sogʻliqni saqlash, ijtimoiy himoya, atrof-muhit, qonun ustuvorligi — odamlarga tegishli boʻlgan barcha narsa haqida bormoqda»,
— dedi u.
Sabina Maxl taʼkidlaganidek, ushbu ustuvorlik «Oʻzbekiston — 2030» strategiyasi yoʻnalishlari bilan mos keladi. U nafaqat milliy darajada qarorlar qabul qilish, balki ularning joylarda ijro etilishiga erishish ham muhimligini taʼkidladi.
«Bu ish mahalla darajasigacha yetib borishi kerak. U tumanlar darajasida ham — hokimlar, fuqarolik jamiyati, OAV va boshqa tomonlar ishtirokida olib borilishi lozim»,
— dedi u.
Barqaror rivojlanish maqsadlari haqidagi savolga javob berar ekan, Sabina Maxl Oʻzbekiston ularning 45 foizi boʻyicha progress koʻrsatayotganini maʼlum qildi.
Sabina Maxl, shuningdek, yangi ish oʻrinlari yaratish boʻyicha ishlarni davom ettirish zarurligini taʼkidladi.
Markaziy Osiyo haqida gapirganda, Sabina Maxl mintaqa davlatlari oʻrtasidagi munosabatlar mustahkamlanayotgani va ular oʻrtasidagi muloqot rivojlanayotganini qayd etdi.
Uning soʻzlariga koʻra, qoʻshni davlatlar bilan aloqalarning chuqurlashishi va hamkorlikning kengayishi ijobiy omil hisoblanadi.
Asosiy mintaqaviy masalalar qatorida u iqlim oʻzgarishi va u bilan bogʻliq suv resurslari muammolarini tilga oldi.
Sabina Maxl ushbu muammolarni hal qilish uchun mintaqa davlatlari oʻrtasida hamkorlik zarurligini taʼkidladi.
Taʼlim haqida gapirganda, Sabina Maxl Oʻzbekistonning taʼlim olish imkoniyatini taʼminlash borasidagi yutuqlarini qayd etdi.
U taʼlimni deyarli umumiy deb atadi va shu bilan birga uning sifati ustida ishlashni davom ettirish muhimligini taʼkidladi.
BMTning doimiy koordinatori soʻzlariga koʻra, bu yerda oʻqituvchilar va ularning kasbiy mahorati muhim rol oʻynaydi. U pedagoglarni doimiy ravishda oʻqitish va rivojlantirish zarurligini taʼkidladi.
Sabina Maxl gender tengligi masalalariga alohida toʻxtalib oʻtdi.