Rubio: AQSh Markaziy Osiyoga uzoq muddatli kelishuvlar bilan kirib kelmoqda
U bu haqda Euronews telekanaliga tashrif yuzasidan bergan intervyusida ma’lum qilgan
Rubio: AQSh Markaziy Osiyoga uzoq muddatli kelishuvlar orqali kirib kelmoqda
Samarqandda AQSh Davlat kotibi yangi savdo bitimlarini tuzish va muhim strategik foydali qazilmalar yo‘nalishida hamkorlik qilish rejalari haqida ma’lumot berdi.
Marko Rubioning aytishicha, Vashington Markaziy Osiyodagi iqtisodiy ishtirokini kengaytirish hamda strategik ahamiyatga ega muhim minerallar ta’minoti manbalarini diversifikatsiya qilishga intilayotgan bir paytda, Amerika kompaniyalari O‘zbekistonda yangi kelishuvlar tuzilganini e’lon qilishga hozirlik ko‘rmoqda.
Samarqandga safari chog‘ida jurnalistlar bilan gaplashgan Rubio bu kelishuvlar AQShning mintaqa bilan yanada kengroq hamkorligiga zamin yaratishi mumkinligini ta’kidladi. Uning fikricha, amerikalik siyosatchilar Markaziy Osiyoga hozirgacha yetarli darajada e’tibor bermagan.
«Menimcha, biz bir nechta aniq kelishuvlar tuzilganini e’lon qila olamiz», – dedi Rubio.
Uning so‘zlariga ko‘ra, Amerika kompaniyalari O‘zbekistonda faoliyat yuritishga qiziqish bildirmoqda. Ushbu kelishuvlar haqidagi xabarlar forum doirasidagi uchrashuvlardan keyin e’lon qilinadi.
«Bu yakuni emas. Bu — boshlanishi», – deya qo‘shimcha qildi Rubio.