Rossiyaning Ukrainaga tungi dron hujumida kamida uch kishi halok boʻldi
15-oktabrga oʻtar kechasi Rossiya qoʻshinlari Ukrainaning Kirovograd viloyati va uning markazi Kropivnitskiy shahriga dronlar bilan keng koʻlamli hujum qildi. Mahalliy rasmiylar maʼlumotiga koʻra, uch kishi halok boʻlgan, yana olti kishi jarohatlangan.
Rossiyaning Ukrainaga tungi dron hujumi oqibatida kamida uch kishi halok boʻldi.
Uning bildirishicha, hujumga logistika obyektlari, transport va sanoat korxonalari uchragan. Raykovich xabar bergan paytda viloyat hamda uning markaziga hujum davom etayotganini aytgan.
Maʼmuriyat rahbari aholini xavfsizlik choralariga rioya qilishga va hujum haqidagi maʼlumotlarni internetda tarqatmaslikka chaqirgan.
Ukraina Qurolli kuchlari Havo kuchlarining dastlabki maʼlumotlariga koʻra, Rossiya hujumda odatiy dronlar bilan birga reaktiv dronlardan ham foydalangan.
Hududdagi vayronagarchiliklar va hujumning boshqa oqibatlari aniqlashtirilmoqda.