Rossiyaliklar kuzda Oʻzbekistonga aviachiptalarni ommaviy xarid qila boshladi
Oʻzbekiston kuzda aviachipta bronlari ulushining oʻsishi boʻyicha yetakchiga aylandi.
Rossiyalik sayyohlar 2026-yilning kuz mavsumi uchun Oʻzbekistonga aviachiptalarni faol ravishda sotib olishni boshladilar. Bu haqda "Tutu" sayohat xizmati maʼlumotlari "Lenta" nashri tahririyatiga taqdim etilgan hisobotda qayd etilgan.
Kuzgi aviachipta bandlovlari ulushining oshishi boʻyicha Oʻzbekiston yetakchi oʻrinni egallab, 5,2 foizlik punktga oʻsishni koʻrsatdi. Ikkinchi oʻrinni Turkiya band etgan boʻlsa, undan keyin Ozarbayjon, Armaniston va Gruziya joylashgan. Shu bilan birga, Belarus va Qozogʻistonga aviachipta bandlovlari ulushida pasayish kuzatilgan.
2026-yilning kuzida mehmonxonalar uchun toʻlovlar soni boʻyicha eng katta oʻsish Xitoyda qayd etildi (4,2 foizlik punktga oʻsish). Ikkinchi oʻrinda esa 3,2 foizlik natija bilan Oʻzbekiston turibdi. Biroq, mehmonxonalarni band qilish soni boʻyicha, 2025-yildagidek, Belarus, Abxaziya va Turkiya yetakchilikni saqlab qolmoqda.