Ronaldu qaytishi mumkin. Jezush uni qabul qilishga tayyor
Portugaliya milliy jamoasi atrofidagi mojaroda yangi insaydlar paydo boʻldi.
Ronaldu qaytishi mumkin. Jezush uni qabul qilishga tayyor
Krishtianu Ronaldu Portugaliya milliy jamoasida yana maydonga tushishi ehtimoli bor — bu masalaga hali yakuniy nuqta qoʻyilgani yoʻq. Forvard faoliyatidagi 1000-golni aynan milliy jamoa safida urishni istaydi.
Ronaldu ishtirokisiz ham oʻynashda davom etayotgan Portugaliya Norvegiyani 2:1 hisobida magʻlub etib, muddatidan oldin Millatlar ligasi pley-off bosqichiga yoʻllanmani qoʻlga kiritdi. Oʻyindan keyingi matbuot anjumanida jamoa bosh murabbiyi Jorje Jezushdan yana Krishtianu bilan bogʻliq vaziyat haqida soʻrashdi. Maʼlum boʻlishicha, vaziyat biroz yumshagan:
«Men uchun hali hammasi ochiq. Krishtianu oʻz hayotini oʻzi hal qilishi kerak. Boʻlib oʻtganlarning barchasi — katta tushunmovchilik va menimcha, bu vaziyatni hal qilish oson. Agar u jamoada oʻynashda davom etsa, istagan paytida qaytishi mumkin. Nega boʻlmasin?
Krishtianuga nisbatan hech qanday yomonligim yoʻq. Bularning hammasini hal qilish oson. Men xafa boʻlganim yoʻq. Uning oʻzi hal qiladi. Bu qachon boʻladimi? Buni men bilmayman, koʻramiz. Biz endigina oʻyinni tugatdik».
Holbuki, oʻtgan turda Daniyaga qarshi uchrashuvdan keyingi matbuot anjumanida u bu borada keskin fikr bildirgandi (bu Ronaldu milliy jamoa qarorgohidan ketib qolganidan keyingi ilk oʻyin edi):
«Bu vaziyat meni oʻz qarashlarimni qayta koʻrib chiqishga majbur qildimi? Yoʻq, mutlaqo. Yulduzli futbolchilar boʻladi, ammo qoidalar hamma uchun bir xil. Men butun faoliyatim davomida doim shunday deb hisoblaganman va shunday deb hisoblashda davom etaman».
Qaytish federatsiya uchun ham, Ronaldu uchun ham foydali
Norvegiyaga qarshi oʻyindan oldinroq portugaliyalik jurnalist Migel Pereyra talkSport uchun bergan intervyusida vaziyat haqida batafsil gapirgandi. Uning aytishicha, milliy jamoadagilar va Ronaldu oʻrtasidagi munosabatlar iliqlasha boshlagan:
«Gap shundaki, u minglik marraga yetishi uchun yana 21 ta gol qoldi. U oxirgi golni Portugaliya safida urishni juda xohlaydi. U «An-Nasr» tarkibida osonlik bilan 15-20 gol urishni moʻljallagan, ammo eng asosiysi, oʻzini, milliy jamoadagi tarixini sharaflaydigan ziyofat uyushtirishni xohlaydi. Va boʻlib oʻtgan ishlarga qaramay, men bu roʻy berishiga ishonaman».
Uning fikricha, mahalliy futbol mulozimlari Ronaldudan shunchaki voz kecha olmaydi: