Rigina Adashbayeva ogʻir atletika boʻyicha Oʻzbekiston rekordini ikki marta yangiladi. Video
Rigina Adashbayeva ogʻir atletika boʻyicha Oʻzbekiston rekordini ikki bor yangiladi. Video
Qashqadaryo viloyatilik ogʻir atletikachi Rigina Adashbayeva Oʻzbekiston Kubogida kattalar oʻrtasida bir yoʻla ikkita milliy rekordni oʻrnatdi. Sportchi dast koʻtarishda va ikki kurash yigʻindisida mamlakatning eng yaxshi natijasini koʻrsatdi.
Musobaqalar Respublika olimpiya va paralimpiya sport turlariga tayyorlash markazida boʻlib oʻtdi.
Adashbayeva 86 kilogrammgacha boʻlgan vazn toifasida ishtirok etdi. U dast koʻtarishda 134 kilogrammni koʻtardi, ikki mashq yakuniga koʻra esa 242 kilogramm natija qayd etdi.
Ushbu koʻrsatkichlarning ikkalasi ham kattalar oʻrtasida Oʻzbekistonning yangi rekordiga aylandi.
Avvalroq, yosh ogʻir atletikachi Munisa Odilova ham yoshlar oʻrtasida milliy rekordlarni yangilab, xuddi shunday muvaffaqiyatga erishgan edi.