“Real” yulduzi Mourinyo sabab APLga qaytishi mumkin
"Real" yulduzi Mourinyo tufayli APLga qaytishi mumkin
Madridning "Real" klubi himoyachisi Trent Aleksander-Arnold tez orada Angliyaga qaytishi ehtimoli bor. TalkSPORT nashrining xabar berishicha, Joze Mourinyo jamoa boshqaruviga kelganidan so‘ng angliyalik futbolchining Ispaniyadagi kelajagi noaniq bo‘lib qolgan. Portugaliyalik mutaxassis dastlabki ikki o‘yinda Aleksander-Arnoldni zaxirada qoldirgan.
Madridda zaxira o‘rindig‘ida qolib ketayotgan 27 yoshli himoyachining Angliya Premyer-ligasiga (APL) qaytish ehtimoli ortib bormoqda. Tabiiyki, uning sobiq jamoasi – "Liverpul" asosiy da’vogar sifatida tilga olinmoqda. Chunki himoyachi Ispaniyaga ketishidan oldin butun faoliyatini aynan mersisaydliklar safida o‘tkazgan.
Shu bilan birga, uning "Nyukasl"ga o‘tish varianti ham istisno qilinmayapti. Mahalliy mutaxassislar ushbu ehtimoliy transfer "qarg‘alar" uchun ajoyib xarid bo‘lishini ta’kidlamoqda.
Ma’lumot uchun, Trent Aleksander-Arnold faoliyatidagi eng yirik yutuqlarga aynan "Liverpul" safida erishgan. U mersisaydliklar bilan ikki marta Angliya chempioni (2019/2020 va 2024/2025-yilgi mavsumlarda), 2019-yilda Chempionlar Ligasi g‘olibi, shuningdek, Angliya Kubogi hamda ikki marta Angliya Liga kubogi sohibi bo‘lgan.
Bundan tashqari, u Angliya Superkubogi, UEFA Superkubogi hamda 2020-yilda Klublar o‘rtasidagi Jahon chempionatida ham g‘alaba qozongan. Xalqaro maydondagi eng katta yutug‘i esa Angliya milliy jamoasi bilan Yevro—2024 turniri finaliga qadar yetib borgani hisoblanadi.