Ramazon Temirovning UFC’dagi navbatdagi raqibi va jang sanasi ma’lum bo‘ldi (foto)
Ramazon Temirovning UFC’dagi keyingi jangi sanasi va raqibi aniq bo‘ldi (foto)
O‘zbekistonlik aralash yakkakurash ustasi Ramazon Temirovning navbatdagi jangi haqidagi ma’lumotlar rasman tasdiqlandi.
UFC matbuot xizmatining xabariga ko‘ra, o‘zbekistonlik MMA jangchisi 24-oktabr kuni BAAning Abu-Dabi shahridagi “Etihad Arena” majmuasida bo‘lib o‘tadigan UFC 333 turnirida oktagonga chiqadi.
O‘ta yengil vazn toifasida tashkil etiladigan ushbu jangda Temirovga angliyalik Loun Kavana raqiblik qiladi. E’tiborlisi, hozirda har ikki sportchi reytingda bir-biriga yaqin joylashgan: Kavana ushbu divizionda oltinchi, Temirov esa yettinchi o‘rinni egallab turibdi.
Foto: Instagram
Eslatib o‘tamiz, 29 yoshli Ramazon Temirov o‘zining so‘nggi jangini ham aynan Abu-Dabida o‘tkazgan edi. 25-iyul kuni bo‘lib o‘tgan UFC Fight Night 282 turnirining asosiy jangidan oldingi bahslaridan birida u avstraliyalik Stiv Ersegga qarshi oktagonga chiqqan.
Ushbu qarama-qarshilikda Temirov 30 yoshli raqibini birinchi raunddayoq nokautga uchratib, o‘zining 22-jangidagi 20-g‘alabasini qo‘lga kiritgan edi. Erseg uchun esa bu professional faoliyatidagi 19-jangda qabul qilib olingan 5-mag‘lubiyat bo‘lgandi.