Qurilish kompaniyalari soliq qarzining yarmi 10 ta korxona hissasiga to‘g‘ri keldi
2026-yil 1-oktyabr holatiga ko‘ra, qurilish sohasida soliq qarzi 100 mln so‘mdan yuqori bo‘lgan 1 517
Qurilish kompaniyalari soliq qarzining yarmi 10 ta korxona zimmasiga to‘g‘ri keldi
Soliq qo‘mitasi ma’lumotiga ko‘ra, 1-oktyabr holatida qurilish sohasida soliq qarzi 100 mln so‘mdan oshgan korxonalarning umumiy qarzdorligi 3 trln 801,7 mlrd so‘mni tashkil etgan.
Eng katta qarzdorlikka ega 10 ta korxonaning jami qarzi 1 trln 801,9 mlrd so‘mga yetgan. Bu qurilish sohasi korxonalarining umumiy soliq qarzining 47,4 foiziga teng.
Eng yirik qarzdor korxonalar
Qurilish sohasida soliq qarzi eng yuqori korxona «OBOD UMUMQURILISH BIZNES SERVIS» MChJ bo‘lib, uning qarzi 752,2 mlrd so‘mni tashkil etgan.
«KO‘PRIKQURILISH» AJning soliq qarzi 358,6 mlrd so‘mga yetgan. «KRISTAL GRAND MADAD QURILISH» MChJ 177,5 mlrd so‘m qarz bilan uchinchi o‘rinni egallagan.
Keyingi o‘rinlarda «AZIYA INVEST FAVORIT» MChJ — 111,6 mlrd so‘m, «YORQIN SADAF FASLI» MChJ — 107,5 mlrd so‘m va «NEFTGAZMONTAJ» MChJ — 78,6 mlrd so‘m qarz bilan qayd etilgan.
Shuningdek, «OQ BULOQ OBOD GUZARI» MChJning qarzi 60 mlrd so‘m, «STROY MONTAJ INVEST» MChJniki 58,8 mlrd so‘m, «MK INAL» MChJniki 51,5 mlrd so‘m va «ELEGANT DOMSTROY» MChJniki 45,6 mlrd so‘mni tashkil qilgan.
Hududlardagi qarzdorlik
Hududlar bo‘yicha eng katta soliq qarzi Toshkent shahrida qayd etilgan. Poytaxtda 313 ta korxonaning qarzi 1 trln 570,5 mlrd so‘mga yetgan. Andijon viloyatida 100 ta korxonaning qarzi 377,7 mlrd so‘mni, Sirdaryo viloyatida 70 ta korxonaning qarzi 287,1 mlrd so‘mni tashkil etgan.
Toshkent viloyatida 183 ta korxona 280,3 mlrd so‘m, Buxoro viloyatida 142 ta korxona 156 mlrd so‘m soliq qarziga ega bo‘lgan. Jizzax viloyatida 72 ta korxonaning qarzi 127,4 mlrd so‘m, Qashqadaryo viloyatida 74 ta korxonaniki 112,4 mlrd so‘m, Samarqand viloyatida 89 ta korxonaniki 102,8 mlrd so‘mni tashkil etgan.
Farg‘ona viloyatida 119 ta korxonaning qarzi 101,3 mlrd so‘m, Qoraqalpog‘iston Respublikasida 65 ta korxonaniki 73 mlrd so‘m bo‘lgan. Xorazm viloyatida 72 ta korxona 70,8 mlrd so‘m, Surxondaryo viloyatida 95 ta korxona 70,6 mlrd so‘m qarzdorlikka ega.
Navoiy viloyatida 52 ta korxonaning soliq qarzi 61,2 mlrd so‘mni, Namangan viloyatida 54 ta korxonaniki 43,6 mlrd so‘mni tashkil etgan.