Qozog‘istonda chechen faoli ikki marta joniga qasd qilishga urindi. Bunga uning Rossiyaga topshirilish xavfi sabab bo‘ldi

Qozog‘istonda chechen faoli ikki bor joniga qasd qilishga urindi. Bunga uning Rossiyaga topshirilish xavfi sabab bo‘ldi

Chechenistonlik faol Mansur Movlayev bir hafta ichida ikkinchi marta o‘z joniga qasd qilishga uringan, deb xabar bermoqda Rossiyaning urushga qarshi qo‘mitasi.

Birinchi marta Movlayev 15-sentyabr kuni Olmaota tergov hibsxonasida o‘zini o‘ldirishga uringan — u yerda faol so‘nggi bir yarim yildan beri Rossiyaga ekstraditsiya qilinishini kutib kelmoqda. Movlayevga yordam ko‘rsatilgan va u shifoxonaga yotqizilgan. Biroq u yerda faol yana o‘z joniga qasd qilishga uringan.

Birinchi urinishidan keyin Movlayev xat qoldirib, unda adolatsizlikdan charchaganini, Rossiyada uni qiynoqlar va o‘lim xavfi kutayotganini yozgan edi.

Mansur Movlayev Checheniston rahbari Ramzan Qodirovni keskin tanqid qilgani, respublikadagi inson huquqlari buzilishi va siyosiy repressiyalarga qarshi chiqishlari bilan tanilgan. 2020-yilda faol Rossiya Jinoyat kodeksining giyohvand moddalar savdosi uchun javobgarlikni nazarda tutuvchi 228-moddasiga asosan uch yilga ozodlikdan mahrum etilgan. Chechen muxolifatchilariga ko‘ra, ish soxta bo‘lgan. 2022-yilda Movlayev shartli ravishda ozod qilingan, ammo tez orada o‘g‘irlab ketilib, Checheniston politsiya bo‘limlaridan biriga olib ketilgan. Shunga qaramay, u hujjatlarisiz qochib, Qirg‘izistonga yetib olishga muvaffaq bo‘lgan. Rossiya uni federal qidiruvga bergan.

Qirg‘izistonda faol chegarani noqonuniy kesib o‘tishda gumonlanib, ushlangan va bir muddat koloniyada jazo o‘tagan. Movlayev o‘z vataniga majburan chiqarib yuborilishi mumkinligidan qo‘rqib, respublikani ham tark etgan.

2025-yil may oyida esa faol Olmaotada qo‘lga olingan. Qozog‘iston hukumati unga boshpana berishni rad etgan, oqibatda Movlayev 2025-yil may oyidan beri ekstraditsiya hibsxonasida saqlanmoqda.