Qoraqalpogʻistonda hayvonlardan odamga yuqadigan kasalliklar profilaktikasi muhokama qilindi
Nukusda One Health («Yagona salomatlik») yondashuvidan foydalangan holda zoonoz kasalliklarning oldini olishga qaratilgan Nature for Health (N4H) tashabbusi doirasida xalqaro seminar boʻlib oʻtdi. Tadbirda davlat organlari, ilmiy tashkilotlar va mahalliy hokimiyat vakillari ishtirok etdi. Seminar Xalqaro tabiatni muhofaza qilish ittifoqi (IUCN) va Oʻzbekiston Milliy ekologiya va iqlim oʻzgarishi qoʻmitasi tomonidan tashkil etildi. Ishtirokchilar xavf-xatarlarni baholadilar […]
Qoraqalpogʻistonda hayvonlardan odamga yuqadigan kasalliklar profilaktikasi muhokama qilindi
Nukusda One Health («Yagona salomatlik») yondashuvini qoʻllagan holda zoonoz kasalliklar profilaktikasiga qaratilgan Nature for Health (N4H) tashabbusi doirasida xalqaro seminar boʻlib oʻtdi.
Tadbirda davlat organlari, ilmiy tashkilotlar va mahalliy hokimiyat vakillari ishtirok etdi. Seminar Xalqaro tabiatni muhofaza qilish ittifoqi (IUCN) hamda Oʻzbekiston Ekologiya, atrof-muhitni muhofaza qilish va iqlim oʻzgarishi vazirligi tomonidan tashkil etildi.
Ishtirokchilar yovvoyi tabiat va insonning ekotizimlar bilan oʻzaro taʼsiri bilan bogʻliq boʻlgan infektsiyalarning paydo boʻlishi va tarqalishi xavflarini tahlil qildilar. Bundan tashqari, ular kasalliklarning ehtimoliy yuqish yoʻllari, xavf omillari va mavjud maʼlumotlardagi boʻshliqlarni koʻrib chiqdilar.
Muhokamalar yakunlariga koʻra, mutaxassislar muammolarning dastlabki tizimli xaritasini tayyorladilar va qoʻshimcha oʻrganishni talab qiladigan yoʻnalishlarni belgilab oldilar. Olingan natijalar yakuniy hisobot va loyiha hujjatini tayyorlashda foydalaniladi.
One Health yondashuvi odamlar, hayvonlar va atrof-muhit salomatligi sohasida hamkorlikda ishlashni nazarda tutadi. Oʻzbekistonda N4H tashabbusi doirasida uchta tashkiliy tadbir rejalashtirilgan boʻlib, Nukusdagi uchrashuv ulardan birinchisi boʻldi.