Qoraqalpogʻiston «yashil» energiya ishlab chiqarish boʻyicha eng yirik markazlardan biriga aylanadi — prezident
Qoraqalpogʻistonda umumiy energiya ishlab chiqarishda «yashil» energiya ulushi 23 foizga yetdi. 2030 yilga borib bu koʻrsatkich 76 foizgacha oshishi kerak. Respublika «yashil» energiya ishlab chiqarish boʻyicha eng yirik markazlardan biriga aylanadi, dedi prezident Shavkat Mirziyoyev Nukusda qilgan chiqishida.
Qoraqalpogʻiston yaqin yillarda «yashil» energiya ishlab chiqarish boʻyicha eng yirik markazlardan biriga aylanishi kerak, dedi prezident
Yaqin yillarda Qoraqalpogʻiston «yashil» energiya ishlab chiqarish boʻyicha eng yirik markazlardan biriga aylanishi kerak. Bu haqda Oʻzbekiston prezidenti Shavkat Mirziyoyev Nukusdagi yigʻilishda soʻzlagan nutqida maʼlum qildi.
Soʻnggi yillarda respublikada 860 MVt yangi energetika quvvatlari ishga tushirildi. Elektr energiyasi ishlab chiqarish 4 barobarga oshib, 5,33 milliard kilovatt-soatga yetdi. Bu aholi va korxonalarning yillik talabidan deyarli 3 barobar koʻpdir.
Davlat rahbari Beruniy va Qoraoʻzak tumanlarida shamol elektr stantsiyalari qurilishi tufayli umumiy ishlab chiqarishda «yashil» energiya ulushi 23 foizga yetganini taʼkidladi.
Kuni kecha Shavkat Mirziyoyev bir qator loyihalarni ishga tushirdi va yangilarining qurilishiga start berdi. Ishga tushirilganlar qatorida Qoraoʻzak tumanidagi umumiy quvvati 300 MVt boʻlgan ikkita shamol stantsiyasi va quvvati 100 MVt boʻlgan elektr energiyasini saqlash tizimi bor.
Qoʻngʻirot tumanida quvvati 1,5 GVt boʻlgan yirik shamol elektr stantsiyasi qurilishi faol bosqichga oʻtmoqda. Qiymati 2,6 milliard dollarlik loyiha Saudiyaning ACWA kompaniyasi bilan hamkorlikda amalga oshirilmoqda. 1500 km yuqori kulanishli magistral elektr tarmoqlarini tortish, 500 kV kulanishli uchta podstantsiya qurish va yana ikkitasini modernizatsiya qilish rejalashtirilgan.
2030 yilga borib umumiy quvvati 3300 MVt boʻlgan shamol elektr stantsiyalarini ishga tushirish kutilmoqda, «yashil» energiya ulushi esa 76 foizgacha oshishi kerak. Bundan tashqari, quvvati 400 MVt boʻlgan energiya saqlash tizimlari yaratiladi.