Qaysi hududlarda yangi bizneslar ko‘proq ochilmoqda?
2026-yilning yanvar–iyun oylarida O‘zbekistonda 44 226 ta yangi tadbirkorlik sub’yekti tashkil etildi. Yangi bizneslar soni bo‘yicha Toshkent shahri yetakchilik qilmoqda.
Qaysi hududlarda yangi bizneslar ko‘proq ochilmoqda?
Milliy statistika qo‘mitasining ma’lumotlariga ko‘ra, joriy yilning dastlabki olti oyida mamlakatda yangi tashkil etilgan tadbirkorlik sub’yektlari soni o‘tgan yilning mos davriga nisbatan sezilarli darajada oshgan.
Xususan, yanvar-iyun oylarida O‘zbekistonda jami 44 226 ta yangi tadbirkorlik sub’yekti tashkil etilgan. Bu 2025-yilning shu davriga nisbatan 3 810 taga yoki 9,4 foizga ko‘pdir.
Hududlar orasida eng yuqori ko‘rsatkich Toshkent shahriga to‘g‘ri kelgan – poytaxtda olti oy davomida 9 626 ta yangi tadbirkorlik sub’yekti tashkil etilgan.
Keyingi o‘rinlarni Toshkent viloyati – 4 593 ta, Xorazm viloyati – 3 963 ta va Samarqand viloyati – 3 581 ta ko‘rsatkich bilan egallagan.
Shuningdek, Farg‘ona viloyatida 3 208 ta, Qashqadaryo viloyatida 2 783 ta, Jizzax viloyatida 2 458 ta, Surxondaryo viloyatida 2 442 ta va Andijon viloyatida 2 413 ta yangi tadbirkorlik sub’yekti tashkil etilgan.
Buxoro viloyatida bu ko‘rsatkich 2 305 tani, Namangan viloyatida 2 276 tani, Qoraqalpog‘iston Respublikasida 1 964 tani tashkil etgan.
Nisbatan kam yangi tadbirkorlik sub’yektlari Navoiy va Sirdaryo viloyatlarida qayd etilgan. Xususan, Navoiy viloyatida 1 462 ta, Sirdaryo viloyatida esa 1 152 ta yangi biznes sub’yekti tashkil etilgan.
Shu tariqa, 2026-yilning birinchi yarmi yakunlariga ko‘ra, yangi bizneslar tashkil etilishi bo‘yicha Toshkent shahri, Toshkent, Xorazm va Samarqand viloyatlari yuqori ko‘rsatkichlarni qayd etgan.