Putin MDH raisligida Oʻzbekistonga har tomonlama yordamni vaʼda qildi
U Oʻzbekiston 2027-yil 1-yanvardan boshlab MDH tashkilotining navbatdagi raisiga aylanishini aytdi. Putin Oʻzbekiston prezidenti Shavkat Mirziyoyevga ushbu missiyada muvaffaqiyat tiladi.
Putin MDH raisligi doirasida Oʻzbekistonga har tomonlama yordam berishni vaʼda qildi
Oʻzbekiston Rossiya tomonidan har tomonlama koʻmakka tayanishi mumkin. Bu haqda Rossiya prezidenti Vladimir Putin Turkmanistonning Turkmanboshi shahrida boʻlib oʻtgan MDH davlatlari yetakchilari uchrashuvida aytib oʻtdi, deb xabar berdi RIA Novosti.
U Oʻzbekiston 2027-yil 1-yanvardan boshlab MDH tashkilotining navbatdagi raisiga aylanishini maʼlum qildi. Putin Oʻzbekiston prezidenti Shavkat Mirziyoyevga ushbu vazifada muvaffaqiyat tiladi.
«Bugun kelgusi yilning 1-yanvaridan boshlab MDHga raislik estafetasi Oʻzbekistonga oʻtishi toʻgʻrisida qaror qabul qilindi. Shavkat Miromonovich Mirziyoyevga ushbu muhim missiyada muvaffaqiyat tilab qolaman», - dedi Putin.
MDH (Mustaqil Davlatlar Hamdoʻstligi) 1991-yil dekabr oyida, SSSR parchalanganidan soʻng tashkil etilgan. Tashkilotga ilgari Sovet Ittifoqi tarkibiga kirgan davlatlar aʼzo hisoblanadi. Hamkorlikning asosini savdo, transport, xavfsizlik, gumanitar va madaniy aloqalar tashkil etadi. Oliy organi - Davlat rahbarlari kengashi boʻlib, qarorgohi Minsk shahrida joylashgan.
MDHga raislik har yili rotatsiya asosida almashib turadi. Raislik qiluvchi mamlakat yilning ustuvor yoʻnalishlarini belgilaydi, Hamdoʻstlik tadbirlarini tashkil etadi va davlat rahbarlari sammitiga mezbonlik qiladi.
Oʻzbekiston 2027-yil 1-yanvardan boshlab MDHga raislik qiladi va Buxoroda navbatdagi sammitni qabul qiladi. Bu mamlakatning ikkinchi raisligi boʻladi: Oʻzbekiston ilk bor 2020-yilda Hamdoʻstlikka raislik qilgan edi.