“PSJ” “Aston Villa”ni yengib o‘z tarixida ikkinchi bor UEFA Superkubogini qo‘lga kiritdi

"PSJ" "Aston Villa"ni mag'lub etib, o'z tarixida ikkinchi marta UEFA Superkubogini qo'lga kiritdi.

Fransiyaning "Pari Sen-Jermen" klubi Avstriyada bo'lib o'tgan UEFA Superkubogi bahsida Angliyaning "Aston Villa" jamoasini 2:1 hisobida yengdi.

O'yinning 20-daqiqasida "PSJ" hujumchisi Xvicha Kvaratsxeliya hisobni ochdi. "Aston Villa" forvardi Brayan Majo 45-daqiqada muvozanatni tikladi. "PSJ" hujumchisi Dezire Due 61-daqiqada parijliklarni yana oldinga olib chiqib, yakuniy 2:1 hisobini o'rnatdi.

Shu tariqa, "PSJ" ketma-ket ikkinchi bor UEFA Superkubogi sohibiga aylandi. Jamoa ilk bor 2025-yilda ushbu sovrinni qo'lga kiritgan edi. O'shanda Luis Enrike boshchiligidagi jamoa Angliyaning "Tottenhem" klubi bilan asosiy vaqtda 2:2 hisobida durang o'ynab, penaltilar seriyasida 4:3 hisobida g'alaba qozongan edi.

Uchrashuvni somalilik hakamlar brigadasi, Omar Abdulqodir Artan boshchiligida boshqarib bordi. 34 yoshli hakam iyun oyida boshlangan Jahon chempionati oldidan Mayami xalqaro aeroportida AQSH hududiga kiritilmagan edi. Garchi u FIFA tomonidan mundial uchun tanlab olingan hakamlar ro'yxatidan joy olgan bo'lsa-da, chegara nazoratida ortga qaytarilgan.

O'tgan mavsumda "PSJ" Chempionlar Ligasida g'olib chiqqan edi. Finalda parijliklar Londonning "Arsenal" klubini mag'lub etdi. Uchrashuvning asosiy vaqti 1:1 hisobida yakunlangan bo'lsa-da, penaltilar seriyasida "PSJ" 4:3 hisobida muvaffaqiyatga erishdi.

"Aston Villa" esa Yevropa Ligasida g'olib bo'lgan edi. Birmingem jamoasi finalda "Frayburg"ni 3:0 hisobida mag'lub etgandi.