Prezident shaxmatchilar haqida kitob va filmlar yaratilishiga ishonch bildirdi
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga
Prezident shaxmatchilar haqida kitoblar yozilishi va filmlar suratga olinishiiga ishonch bildirdi
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi chiqishlarini alohida e’tirof etdi.
Prezident Javohir Sindorovga yuzlanib, bir necha oy oldin uning Nomzodlar turniridagi tarixiy g‘alabasi nishonlanganini eslatdi. Olimpiadada ham Javohir Sindorov sovuqqonlik va barqarorlik namoyon etib, kuchli raqiblar qarshisida ortga chekinmagani qayd etildi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor qatnashgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi. Uning g‘alabasi jamoaga oltin medal uchun zarur ochkoni taqdim etdi. Prezident uning g‘ayrati va g‘alabalari muxlislar qalbidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini ko‘rsatdi.
Prezident oltin medal jamoaning har bir a’zosi mehnati va hissasi samarasida qo‘lga kiritilganini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.