“Pokistonlik Halk”: 436 kilo vaznga ega dunyoning eng g‘ayrioddiy erkagi qanday ko‘rinishda?
“Pokistonlik Halk”: 436 kilo vaznga ega dunyoning eng g‘ayrioddiy erkagi qanday ko‘rinishda?
Pokistonning Mardan shahrida noodatiy bir erkak yashaydi. Uning ismi — Arbob Xizr Hayot. Internetda u ko‘proq Xon Bobo taxallusi bilan mashhur. Uning vazni 436 kiloga yetadi. U gavdasidan uyalmaydi, aksincha, bundan faxrlanadi. Xon Bobo o‘zini butun sayyoradagi eng kuchli inson deb biladi.
Xon Bobo 34 yoshda. Bo‘yi 190 sm, vazni 436 kilo. Internetda Xon Boboning traktorni bir qo‘li bilan tortayotgani aks etgan bir nechta videolar tarqalgan. Uning o‘zi esa buni yengil chigalyozdi mashqi deb hisoblaydi.
Pokistonlik erkak jurnalistlarga bergan intervyusida 2012-yili Yaponiyada o‘tgan og‘ir atletika musobaqasida qatnashganini aytgan. O‘sha yerda u go‘yoki 5000 kilo toshni ko‘targan emish. Uning so‘zlariga ko‘ra, hatto Halk ham buncha og‘irlikni ko‘tara olmagan bo‘lardi.
Bo‘lajak pahlavon badavlat oilada tug‘ilgan. U 18 yoshgacha oddiy yigitdek ko‘rinardi. Keyin tana vazni keskin va tushunarsiz tarzda ortib bora boshladi. Yigit shifokorlarga murojaat qilish o‘rniga boshqacha yo‘l tanladi. Xon Bobo yanada kattaroq bo‘lishga qaror qildi. Shu maqsadda u kuchaytirilgan ovqatlanish tartibiga o‘tdi. Hozir uning kunlik taomnomasidagi kaloriyalar miqdori 10 000 dan oshadi.
Bu odamning nonushtasi kishini hayratga soladi. U bir o‘tirishda 36 ta tuxum yeydi. Bundan tashqari, 4 ta tovuq va 3 kilo qizil go‘sht iste’mol qiladi. Bularning barchasini 5 litr sut bilan ichib yuboradi. Ana shunday ovqatlanish tartibi uning hozirgi vaznini bir me’yorda ushlab turadi.
Yigitning aytishicha, ortiqcha vazn unga noqulaylik tug‘dirmaydi. Yagona muammo transport bilan bog‘liq. U oddiy mashinaga sig‘maydi. Bu masalani hal qilish uchun Xon Bobo ulkan yo‘ltanlamas sotib olgan. U o‘zining ona shahri Mardonda mashhur shaxsga aylangan. O‘tkinchilar tez-tez u bilan suratga tushishni so‘rashadi. Mahalliy telekanallar uni muntazam ravishda suhbatga taklif qiladi. Yigit bunday takliflarga bajonidil rozi bo‘ladi.
Pokistonlik yigit kelajagini sport bilan bog‘laydi. U ringga chiqib, kurashchi bo‘lmoqchi. Shuningdek, uning rejalarida restling musobaqalarida g‘alaba qozonish ham bor. Hozircha bu orzular faqat reja bo‘lib turibdi. Ammo yigit o‘zining jussasi va kuchi muvaffaqiyatga erishishiga yordam berishiga ishonadi. U tomoshabinlar va raqiblarni hayratda qoldira olishini aytadi.
Bo‘yi 190 santimetr bo‘lgan erkakning suratlari ham vahimali ko‘rinadi. Biroq uning aqlbovar qilmas kuchiga hamma ham ishonmaydi. Bir nechta mutaxassis Xon Bobo ishtirokidagi videolarni o‘rganib chiqdi. Ular qiziq bir jihatni payqashdi. Erkak doim keng, xalatga o‘xshash kiyim kiyib yuradi. Ba’zi kadrlarda uning ko‘krak va yelkalaridagi maxsus qoplamalarni ko‘rish mumkin. Bu moslamalar gavdaning yuqori qismini kattaroq ko‘rsatadi. Shu bilan birga, ular katta qorinni ham yashirib turadi. Shu sababli uning haqiqiy gavda o‘lchamlari noma’lum.
Mutaxassislar uning 5 tonna yuk ko‘targani haqidagi rekordini ham shubha ostiga olmoqda. Bunday natija ko‘proq Marvel komikslaridagi to‘qimalarga o‘xshaydi. Ijtimoiy tarmoq foydalanuvchilari bu erkakka oddiy maslahat bermoqda: avval ozish kerak, shundan keyingina ringda o‘z kuchini sinab ko‘rgani ma’qul. O‘shanda uning sportchi sifatida aslida nimaga qodir ekani ma’lum bo‘ladi.
Xon Bobo o‘z shuhratidan bahramand bo‘layotgan bir paytda, Indoneziyada boshqa bir holat kuzatilgan. U yerda 10 yoshli bola yashaydi. Uning vazni 192 kilogrammni tashkil etadi. Bola ortiqcha vazndan aziyat chekadi. U uchun katta vazn g‘urur emas, balki salomatlik bilan bog‘liq jiddiy muammoga aylangan. Bu voqea ortiqcha kilogrammlar har doim ham kuch va sportga intilish bilan emas, balki ko‘proq noqulaylik va tana faoliyatining buzilishi bilan bog‘liq ekanini eslatadi.