Pixar “Koko siri 2” multfilmi 2029-yilda chiqishini ma’lum qildi

Pixar studiyasi 2029-yilda "Koko siri 2" multfilmining premyerasi bo‘lishini e’lon qildi.

D23 ko‘rgazmasida Disney ushbu filmning yangi konsept-artlarini namoyish etdi. Unda voyaga yetgan Migel o‘zining sodiq do‘sti Dante iti bilan birga tasvirlangan. Kompaniya, shuningdek, Pixar sikveli 2029-yilning noyabr oyida ekranlarga chiqishini va Benjamin Brett Ernesto de la Kruz rolini ijro etish uchun qaytishini tasdiqladi.

Asl "Koko siri" multfilmining rejissyori Li Unkrich Adrian Molina bilan birgalikda ushbu loyiha ustida ishlashga qaytmoqda. "O‘yinchoqlar tarixi 4" va "Boshqotirma 2" filmlari bilan tanilgan Mark Nilsen esa prodyuserlik vazifasini bajaradi.

Birinchi "Koko siri" multfilmi 2017-yilda kinoteatrlarda namoyish etilgan va tanqidchilar hamda tomoshabinlar tomonidan katta muvaffaqiyatga erishgan. U dunyo bo‘ylab 800 million dollardan ortiq daromad keltirib, ikkita "Oskar" mukofotini qo‘lga kiritgan: "Eng yaxshi animatsion film" va "Remember Me" qo‘shig‘i uchun "Eng yaxshi original qo‘shiq".

"Koko siri 2" – Pixar studiyasining navbatdagi sikveli bo‘lib, ijodkorlar studiyaning so‘nggi o‘n yilliklardagi eng katta yutuqlaridan foydalanishga umid qilmoqda. Studiyaning so‘nggi relizlari orasida dunyo bo‘ylab 1 milliard dollardan ortiq daromad keltirgan "O‘yinchoqlar tarixi 5" va "Boshqotirma 2" kabi filmlar bor. Studiyaning keyingi sikveli – "Superoila 3" bo‘lib, uning premyerasi 2028-yilga rejalashtirilgan.