«Pesiyamga uyimni isitishga qurbim yetmaydi»
Tereza Gubertning aytishicha, isitish tizimi "juda qimmat" va u pensiyasi bilan kun kechirishga qiynalayotgan edi.
**«Nafaqamga uyimni isitishga qurbim yetmaydi»**
Tereza Gubert isitish shunchalik qimmatlashib ketganidan, bu qishda uyini isitishga qurbi yetmasligini aytdi.
Baʼzi pensionerlarning aytishicha, bu qishda uylarini isitishga qurbi yetmagani sababli ular vaqtli oʻringa yotishmoqda, qabat-qabat kiyinib olishmoqda va issiq suvli grelkalardan foydalanishmoqda.
Elektr va suyuq yoqilgʻi (mazut) bilan isitiladigan tizimdan foydalanuvchi gernsilik Tereza Gubert shunday dedi: «Isitishni imkon qadar uzoqroq yoqmaslikka harakat qilyapman, chunki bu juda qimmatlashib ketdi va nafaqamga [uyni isitishga] shunchaki qurbim yetmaydi».
Shtatlar daromad darajasi hisobga olinadigan qishki yoqilgʻi nafaqasini 19 foizga oshirib, haftasiga 50,48 funt sterlingga yetkazishni taklif qildi. Bu masala noyabr oyida muhokama qilinadi.
Bandlik va ijtimoiy himoya prezidenti Tina Byuri shunday dedi: «Yoqilgʻi nafaqasi umumiy yondashuvdir va tabiiyki, bu sohada har kimning ehtiyojlari har xil».
Ushbu nafaqani oladigan miss Gubert shunday dedi: «Darvoqe, buning dastlabki 70 funti abonent toʻloviga ketadi, shuning uchun siz oyiga bor-yogʻi 100... 100 funtdan sal koʻproq olasiz, xolos, bu esa hozirgi vaqtda hech narsa emas».
«Ustimga koʻrpalarni yopib olaman, agar juda sovqotib ketsam, yotoqxonaga chiqaman, bilasizmi, u yerda ham koʻproq koʻrpa yopinib olaman. Yagona yechim shu».
Turmush oʻrtogʻi bilan yashaydigan orol turgʻuni Katina Jons isitishni yoqishdan oldin imkon qadar uzoqroq kutishganini aytdi.
«Choy damlaganimdan keyin, issiq suvning ortganini oʻzimizni isitish uchun grelkaga solaman».
Oroldagi 55 yoshdan oshganlar uchun moʻljallangan turar joy majmuasida yashovchi Sheyla Kornelius shunday dedi: «Bu juda yomon, chunki men sovqotib oʻtirishni yoqtirmayman, shuning uchun, albatta, hamma pulimning aksariyati shunga ketadi.
Baxtimga, isitishni toʻliq yoqish oʻrniga kiyib olishim mumkin boʻlgan yaxshi, qalin kiyimlarim bor, bilasizmi, [isitishga] qurbim yetmaydi».
Guernsey Electricity vakili Garet Uordingxem shunday dedi: «Bu yil abonent toʻlovi bor-yogʻi 3 foizga oshdi, shuning uchun bu oʻsishning katta qismini tashkil etmagani aniq.
Biz elektr energiyasini xalqaro bozorlarda bir necha yil oldin sotib olamiz, bu esa biz toʻlaydigan yoki mijozlarimiz toʻlaydigan narxni barqarorlashtiradi.
Biz kichik mijozlar va shuningdek, bir xilda yordamga muhtoj boʻlishi mumkin boʻlgan yirik mijozlar, masalan, farzandli oilalar oʻrtasida muvozanatni saqlashimiz kerak, ularda ham pul tanqisligi boʻlishi mumkin».
Rubis Channel Islands yoqilgʻi yetkazib berish kompaniyasining marketing boʻlimi rahbari Nik Krolla shunday dedi: «Avgust oyidan beri narxlar 30 foizgacha oshganini koʻrdik.
Biz beqaror xalqaro bozordan himoyalanmaganimizni nainoyat koʻrib turibmiz.
Agar mijozlar suyuq isitish yoqilgʻisi narxidan xavotirda boʻlishsa, eng yaxshisi kelib biz bilan gaplashishsin, bizda mijozga yoqilgʻi narxlarining beqarorligini yengillashtirishga yordam beradigan toʻlov variantlari bor».
Byurining aytishicha, agar qishda isitish yoqilgʻisi narxi keskin koʻtarilib ketsa, qoʻmita bunga javob qaytarishi mumkin.
«Agar qahraton qishga yoʻliqsak va, masalan, yoqilgʻi xarajatlari keskin oshib ketsa, bizda bunga munosabat bildirish imkoniyati mavjud», deya qoʻshimcha qildi u.