«Paxta» filmi «Yevrosiyo ko‘prigi» festivali bosh sovrinini qo‘lga kiritdi
Rashid Malikov ayni paytda Kontent markazi bilan hamkorlikda 2027-yil 4–5-fevral kunlari Toshkentda ilk bor o‘tkaziladigan
«Paxta» filmi «Yevrosiyo ko‘prigi» festivali bosh sovriniga sazovor bo‘ldi
Rejissyor Rashid Malikov suratga olgan «Paxta» filmi X xalqaro «Yevrosiyo ko‘prigi» kinofestivalida eng yaxshi badiiy film deb e’tirof etildi. Moskvada 5–9-oktyabr kunlari bo‘lib o‘tgan yubiley festivalining tanlov dasturlarida 14 mamlakatdan to‘qqizta badiiy va to‘qqizta hujjatli film ishtirok etdi.
U 1986-yilda Butunrossiya davlat kinematografiya instituti (VGIK)da badiiy kino rejissyorligi yo‘nalishi bo‘yicha tahsil olgan. 1993-yilda AQShda «FILM IN US» dasturi doirasida malaka oshirgan. Ko‘plab kinofestivallarning qatnashchisi va sovrindori.
«Paxta» hayotidagi muammolar va sinovlarni yengib, yashashdan yangi ma’no izlayotgan ayol haqida hikoya qiladi. Film markazida insonning ichki kechinmalari, qiyinchiliklar qarshisida o‘zini yo‘qotmaslik va hayotini qaytadan qurishga intilish turadi.
«Paxta» filmining jahon premerasi 2025-yil noyabr oyida A toifadagi yirik kinofestivallardan biri — Qohira xalqaro kinofestivalida bo‘lib o‘tgan. Film ko‘plab kinofestivallarda namoyish etilgan, 2026-yil iyul oyida Sochidagi «Yevrosiyo Kinofest» kinofestivalida «Eng yaxshi ssenariy» mukofotiga sazovor bo‘lgan.
Rashid Malikov hozirda Kontent markazi bilan hamkorlikda 2027-yil 4–5-fevral kunlari Toshkentda ilk bor o‘tkaziladigan «Tashkent Content Market» xalqaro tadbiriga tayyorgarlik jarayonida qatnashmoqda. Bunday maydonlar kino va teleko‘rsatuvlar ijodkorlariga xorijiy hamkorlar bilan tanishish, o‘z asarlarini xalqaro bozorga olib chiqish va birgalikda yangi loyihalarni boshlash imkonini beradi.
«Paxta» filmining xalqaro festivaldagi yutug‘i o‘zbek ijodkorlarining hikoyalari turli mamlakatlar tomoshabinlari va mutaxassislarida qiziqish uyg‘otayotganini ko‘rsatadi. «Tashkent Content Market» esa ana shu qiziqishni amaliy hamkorlikka aylantirish uchun yangi imkoniyatlar yaratishi kutilmoqda.