Oʻzbekistonda pensiya tizimini demografik oʻzgarishlarga moslashtirish rejalashtirilmoqda
Oʻzbekistonda pensiya tizimini demografik oʻzgarishlarga moslashtirish rejalashtirilmoqda
Oʻzbekiston Bosh vazirining oʻrinbosari — iqtisodiyot va moliya vaziri Jamshid Qoʻchqorov Xalqaro valyuta jamgʻarmasi, Jahon banki va Xalqaro mehnat tashkiloti vakillari bilan uchrashuv oʻtkazdi.
Muzokaralarda XMT Ijtimoiy himoya departamentining aktuar xizmatlar boʻlimi rahbari Andre Pikard, XVJ Byudjet masalalari departamentining katta iqtisodchisi Chaba Fexer va Jahon bankining ijtimoiy himoya boʻyicha katta mutaxassisi Ximanshi Jeyn ishtirok etdi. Tomonlar xalqaro tajriba va mamlakatning ijtimoiy-iqtisodiy xususiyatlarini hisobga olgan holda respublika pensiya tizimini takomillashtirishning asosiy yoʻnalishlarini muhokama qildilar.
Pensiya tizimining uzoq muddatli barqarorligini taʼminlash, pensiya huquqlarini shakllantirish mexanizmlarini yaxshilash, aholi qamrovini kengaytirish, jamgʻarib boriladigan tarkibiy qismni rivojlantirish va tizimni demografik oʻzgarishlarga moslashtirishga alohida eʼtibor qaratildi.
Shuningdek, pensiya tizimi arxitekturasini rivojlantirish yondashuvlari, jumladan, uning tarkibiy qismlarini uygʻunlashtirish, pensiya aktivlari va jamgʻarmalarini boshqarish, shuningdek, individual pensiya hisobvaraqlarini rivojlantirish masalalari muhokama qilindi. Uchrashuv yakunida tomonlar pensiya islohotini amalga oshirish boʻyicha ekspertlik hamkorligini davom ettirish muhimligini tasdiqladilar.