Oʻzbekiston va Rossiya tovar ayirboshlash hajmini oshirish va sanoat loyihalarini jadallashtirish niyatida

Oʻzbekiston va Rossiya tovar ayirboshlash hajmini oshirish va sanoat loyihalarini amalga oshirishni tezlashtirishni rejalashtirmoqda

Oʻzbekiston va Rossiya oʻzaro tovar ayirboshlash hajmini oshirish va sanoat zonalaridagi qoʻshma loyihalarni tezlashtirish boʻyicha ishlarni davom ettirishga kelishib oldilar. Bundan tashqari, tomonlar hududlar va biznes vakillari oʻrtasidagi hamkorlikni kengaytirish niyatida.

Ushbu mavzular Oʻzbekistonda boʻlib oʻtgan ikki mamlakat Hukumatlararo komissiyasi va Hududlar kengashi yigʻilishlarida muhokama qilindi. Uchrashuvlar yakunlariga koʻra, oʻzaro savdoning ijobiy dinamikasi, shuningdek, sanoat, energetika, metallurgiya, tinchlik maqsadlaridagi atom va boshqa sohalardagi loyihalarning ilgarilashi qayd etildi.

7 oktyabr kuni Oʻzbekiston Prezidenti Shavkat Mirziyoyev komissiya va Hududlar kengashi yigʻilishlarida ishtirok etish uchun mamlakatga kelgan Rossiya Hukumati Raisining birinchi oʻrinbosari Denis Manturovni qabul qildi.

Uchrashuvda tomonlar oliy darajadagi uchrashuvlar yakunlari boʻyicha erishilgan kelishuvlarni amaliy roʻyobga chiqarish masalalarini muhokama qildilar. Mirziyoyev, shuningdek, kuni kecha boʻlib oʻtgan yigʻilishlar natijalarini qayd etdi.

Tovar ayirboshlash hajmini yanada oshirish, sanoat zonalarida qoʻshma loyihalarni tezlashtirish hamda ikki mamlakat hududlari va biznesi darajasidagi aloqalarni davom ettirish uchun muvofiqlashtirilgan chora-tadbirlar koʻrish zarurligiga alohida eʼtibor qaratildi.

Bundan avvalroq Mirziyoyev va Putin telefon orqali muloqotda ikki tomonlama hamkorlikni rivojlantirish hamda Fargʻonada boʻlib oʻtgan Hukumatlararo komissiya va Hududlar kengashining yaqindagi yigʻilishlari yakunlarini muhokama qilgan edilar.