Oʻzbekiston va Hindiston tibbiyot sohasidagi hamkorlikni kengaytiradi
Oʻzbekiston va Hindistonning Lilavati kasalxonasi tibbiy texnologiyalarni joriy etish, mutaxassislarni tayyorlash va qoʻshma loyihalarni muhokama qilishdi.
Oʻzbekiston va Hindiston sogʻliqni saqlash sohasidagi hamkorlikni chuqurlashtirish niyatida.
Tibbiyot va farmatsevtika sanoatini rivojlantirish agentligi rahbari Abdulla Azizov Hindistonning koʻp tarmoqli tibbiyot muassasasi, Lilavati kasalxonasi va tadqiqot markazi delegatsiyasi bilan muzokaralar oʻtkazdi. Uchrashuvda tibbiyot sohasida Oʻzbekiston-Hindiston hamkorligini kengaytirish istiqbollari muhokama qilindi.
Muhokamalar ilgʻor tibbiy texnologiyalarni joriy etish, kasbiy rivojlanish va qoʻshma tashabbuslarni amalga oshirish masalalarini qamrab oldi.
Tajriba va bilim almashish, innovatsion yondashuvlar va zamonaviy tibbiy texnologiyalarni qoʻllash hamda ilmiy tadqiqotlar va taʼlim sohasida hamkorlikni rivojlantirishga alohida eʼtibor qaratildi.
Hindiston vakillariga Oʻzbekistonning tibbiyot va farmatsevtika sanoatida amalga oshirilayotgan islohotlar, mavjud investitsiya imkoniyatlari va "BioPharma City" farmatsevtika klasteri doirasida rivojlanayotgan zamonaviy tibbiy va ilmiy infratuzilma haqida maʼlumot berildi.