Oʻzbekiston paravelosipedchilari ilk bor jahon chempionatining oltin medalini qoʻlga kiritishdi

Oʻzbekiston paravelosipedchilari ilk bor jahon chempionatining oltin medalini qoʻlga kiritishdi

Oʻzbekiston terma jamoasi Alabama shtatining Xantsvill shahrida paravelosportning shosse yoʻnalishi boʻyicha oʻtkazilgan jahon chempionatida uchta oltin va bitta kumush medalni qoʻlga kiritdi. Bu mamlakatning jahon birinchiliklaridagi ishtiroki tarixidagi eng yaxshi natijadir.

Toʻrt kun davom etgan jahon birinchiligi hisob boʻyicha 15-si boʻldi. Unda 47 ta davlatdan 300 ga yaqin sportchi ishtirok etdi.

Oʻzbekistonga ikkita oltin medalni T1 klassida uch gʻildirakli velosipedda bahslashgan Marjona Pardaboyeva taqdim etdi. U vaqt poygasida ham, guruh poygasida ham birinchi boʻlib marraga yetib keldi.

Yana ikkita medalni qoʻl velosipedlaridagi sportchilar oʻrtasida H1 klassida qatnashgan Pokiza Ahmadbekova qoʻlga kiritdi. U vaqt poygasida gʻolib chiqdi va guruh poygasida ikkinchi boʻldi.

Pardaboyeva va Ahmadbekovaning oltin medallari oʻzbek paravelosipedchilari uchun jahon chempionatlari tarixidagi birinchisi boʻldi.

2025 yilning avgust oyida Belgiyaning Ronse shahrida boʻlib oʻtgan avvalgi jahon birinchiligida Oʻzbekiston terma jamoasi toʻrtta kumush va bitta bronza medalini qoʻlga kiritgan edi.