Oziq-ovqat xavfsizligi qo‘mitasida tayinlovlar amalga oshirildi
Jamshid Olimovich Urunov qo‘mita raisining o‘simliklar karantini va himoyasi yo‘nalishi bo‘yicha o‘rinbosari lavozimiga tayinlandi. Bungacha
Oziq-ovqat xavfsizligi qo‘mitasi rahbariyatida yangi tayinlovlar amalga oshirildi. Bu haqda qo‘mita matbuot xizmati ma’lum qildi.
Qo‘mita raisining o‘simliklar karantini va himoyasi bo‘yicha o‘rinbosari lavozimiga Jamshid Olimovich Urunov tayinlandi. U ushbu lavozimga qadar Biznes-ombudsman o‘rinbosari sifatida faoliyat yuritgan.
Xurshid Xotamdjanovich Raxmatullayev qo‘mita raisining moliya va iqtisod masalalari bo‘yicha o‘rinbosari etib tayinlandi. Bungacha u "O‘zsuvta’minot" AJ boshqaruv raisining o‘rinbosari lavozimida ishlagan.
Furqat Zakirovich Jalilov qo‘mita raisi o‘rinbosari lavozimini egalladi. U ilgari Prezident Administratsiyasi Huquqiy ekspertiza va kompleks tahlil qilish departamentining bosh inspektori bo‘lgan.
Elyor Xolmatovich Talaboyev qo‘mita raisining komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.